ખેલ / પાકિસ્તાનનો ચોંકાવનારો નિર્ણય, શતરંજ ઓલિમ્પિયાડમાં ભાગ લેવાનો ઈન્કાર, ભારતથી ટીમને પાછી બોલાવી

• ભારતમાં શરુ થનારી  શતરંજ ઓલિમ્પિયાડમાંથી ખસવાની પાકિસ્તાનની જાહેરાત
• કાશ્મીરમાંથી ઓલિમ્પિયાડ મશાલ પસાર થવાનું પાકિસ્તાનને ન ગમ્યું 
• ભારતે પાકિસ્તાનના નિર્ણયની આકરી ટીકા કરી

આગામી સમયમાં ચેન્નઈમાં શરુ થઈ રહેલી શતરંજ ઓલિમ્પિયાડમાં ભાગ ન લેવાનો પાકિસ્તાને નિર્ણય જાહેર કરી દીધો છે. શતરંજ ઓલિમ્પિયાડમાં ભાગ લેવા માટે પાકિસ્તાને ભારત ટીમ પણ મોકલી હતી અને તેની માટેની તૈયારી પણ કરી લીધી હતી પરંતુ છેલ્લી ઘડીએ પાકિસ્તાને તેમાં ભાગ લેવાનો ઈન્કાર કરી દીધો છે. 

India criticizes Pakistan for pulling out of 44th Chess Olympiad in Tamil Nadu, says it is "highly unfortunate" that Islamabad "politicised" prestigious international event

— Press Trust of India (@PTI_News) July 28, 2022

ભારતે પાકિસ્તાનના નિર્ણયની આકરી ટીકા કરી 
વિદેશ મંત્રાલયના પ્રવક્તા અરિંદમ બાગચીએ કહ્યું છે કે, આ ખુબ જ ચોંકાવનારી બાબત છે કે, તેમની ટીમને ભારત મોકલ્યા બાદ અચાનક જ પાકિસ્તાને 44માં ચેસ ઓલિમ્પિયાડમાં ભાગ ન લેવાની જાહેરાત કરી હતી. વિદેશ મંત્રાલયના પ્રવક્તા અરિંદમ બાગચીએ કહ્યું કે,  ખૂબ જ દુર્ભાગ્યપૂર્ણ છે કે પાકિસ્તાને પ્રતિષ્ઠિત આંતરરાષ્ટ્રીય કાર્યક્રમનું રાજકારણ કર્યું છે. જ્યાં સુધી તેમની દલીલની વાત છે, અમે કહીશું કે કાશ્મીર ભારતનું અભિન્ન અંગ હતું, છે અને રહેશે.

It is surprising that Pakistan has taken a decision not to participate in Chess Olympiad even after their team reached India: MEA spokesperson Arindam Bagchi

— ANI (@ANI) July 28, 2022

ઓલિમ્પિયાડ ટોર્ચ પાકિસ્તાનમાંથી પસાર થતા પાકિસ્તાન ગિન્નાયું 

વાસ્તવમાં ઓલિમ્પિયાડની ટોર્ચ 21 જુલાઈના રોજ કાશ્મીરમાંથી પસાર થઈ હતી. આથી પાકિસ્તાન ઉશ્કેરાયું હતુ પાકિસ્તાન જમ્મુ કાશ્મીરને પોતાનો હિસ્સો ગણી રહ્યું હોવાથી ત્યાં થનારા કોઈ પણ કામને પસંદ કરતું નથી જોકે જમ્મુ કાશ્મીર ભારતનો હિસ્સો છે તે જગજાહેર છે. પરંતુ ચેસની ટોર્ચ કાશ્મીરમાંથી પસાર થતા પાકિસ્તાનને ગમ્યું નથી અને આ એક કારણે તેણે ચેસ ઓલિમ્પિયાડમાં ભાગ ન લેવાનો નિર્ણય જાહેર કર્યો છે. પાકિસ્તાનના વિદેશ કાર્યાલયના પ્રવક્તા અસીમ ઇફ્તિખારે 21 જુલાઈએ રેડિયો પાકિસ્તાનને આપેલા એક નિવેદનમાં કાશ્મીર દ્વારા ભારતની ટોર્ચ રિલેને જવાબદાર ગણાવી હતી અને કહ્યું હતું કે ભારતે પ્રતિષ્ઠિત આંતરરાષ્ટ્રીય રમતોત્સવનું રાજકારણ કર્યું છે. પાકિસ્તાનના વિદેશ ઓફિસના પ્રવક્તા અસીમ ઈફ્તિખારે એમ પણ કહ્યું હતુ કે, ચેસ ઓલિમ્પિયાડમાં જોડાવા માટે પાકિસ્તાનને આંતરરાષ્ટ્રીય ચેસ ફેડરેશને આમંત્રણ પાઠવ્યું હતુ. પાકિસ્તાની ખેલાડીઓને પણ તેની તૈયારી કરાવવામાં આવી રહી હતી.

India slams Pakistan for politicising 44th Chess Olympiad

Read @ANI Story | https://t.co/elIdG5Spvz#ChessOlympiad #44thChessOlympiad #ChessOlympiad2022 #ArindamBagchi #ChessOlympiadInChennai pic.twitter.com/Pcm9q77OTn

— ANI Digital (@ani_digital) July 28, 2022