તમારા કામનું / SMS મોકલીને જાણો મતદાર યાદીમાં તમારૂ નામ છે કે નહીં, જુઓ સ્ટેપ બાય સ્ટેપ પ્રોસેસ

દેશમાં લોકસભાની ચૂંટણી શરૂ થઈ ગઈ છે. મત આપવા માટે તમારે વોટર આઈડી કાર્ડની જરૂર પડશે. આજે અમે તમને કેટલીક સરળ રીતો જણાવવા જઈ રહ્યા છીએ જેની મદદથી તમે વોટર આઈડી ડાઉનલોડ કરી શકો છો અને મતદાર યાદીમાં તમારું નામ પણ ચેક કરી શકો છો. તમે માત્ર એક મેસેજ મોકલીને મતદાર યાદીમાં તમારું નામ ચકાસી શકો છો.

મતદાર યાદીમાં નામ કેવી રીતે તપાસવું

મતદાર યાદીમાં નામ તપાસવા માટે તમારે ઇન્ટરનેટની પણ જરૂર નથી. આ પદ્ધતિ તમારા માટે એકદમ સરળ હોઈ શકે છે. કારણ કે આ કરવા માટે તમારે કોઈ વેબસાઈટ ખોલવાની પણ જરૂર નહીં પડે. ખુદ ચૂંટણી પંચે પોતાની વેબસાઈટ પર જણાવ્યું છે કે યુઝર્સ મેસેજ મોકલીને મતદાર યાદી વિશે જાણકારી મેળવી શકે છે. તમે આ માહિતી ઓનલાઈન પોર્ટલ અને એપ્સ પર પણ મેળવી શકો છો.

તમને SMS મોકલીને સંપૂર્ણ માહિતી મળશે

આ અંગેની માહિતી SMSની મદદથી પણ મેળવી શકાશે. જો તમે પણ આ વિશે માહિતી મેળવવા માંગતા હોવ તો તમારે 1950 પર SMS મોકલવો પડશે. અહીં તમારે EPIC નંબર લખીને મોકલવાનો રહેશે. ઉદાહરણ તરીકે, જો તમારો EPIC નંબર '87654321' છે તો તમારે મેસેજ કરવો પડશે - ECI 87654321.

વધુ વાંચો : PAN કાર્ડને આધાર સાથે લિંક કરવાનો વધુ એક મોકો, 31 મે સુધી લિંક નહીં કરો તો થશે નુકસાન

ઈ-વોટર આઈડી ડાઉનલોડ

જો તમારી પાસે વોટર આઈડી કાર્ડ નથી, તો તમે તેને પળવારમાં ડાઉનલોડ કરી શકો છો. ઈ-વોટર આઈડી કાર્ડ ડાઉનલોડ કરવા માટે તમારે વોટર સર્વિસ પોર્ટલ પર જવું પડશે. સત્તાવાર સાઇટની મુલાકાત લીધા પછી, તમને EPIC ડાઉનલોડ કરવાનો વિકલ્પ આપવામાં આવશે. EPIC નંબર ભર્યા પછી તમે તેને ડાઉનલોડ કરી શકશો. જ્યારે તમે વોટર આઈડી કાર્ડ ડાઉનલોડ કરવા જશો ત્યારે OTPનો વિકલ્પ પણ આપવામાં આવશે. તમને જણાવી દઈએ કે તમે તેનો ઉપયોગ વોટિંગ માટે પણ કરી શકો છો.