ફેરફાર / TAT પરીક્ષા પદ્ધતિમાં કરવામાં આવ્યો ફેરફાર, શિક્ષક બનવા માટેની પહેલી પરીક્ષા પાસ કરનારને જ બીજી પરીક્ષામાં મળશે પ્રવેશ

• TATની પરીક્ષા પદ્ધતીમાં કરાયો બદલાવ
• TATની પરીક્ષા દ્વિસ્તરીય પદ્ધતિથી લેવાશે
• પ્રથમ પરીક્ષા પાસ કરનાર આપી શકશે બીજી પરીક્ષા

 શિક્ષણ વિભાગ દ્વારા TAT ની પરીક્ષા પદ્ધતિમાં ફેરફારને લઈને પરિપત્ર જાહેર કર્યો છે. જેમાં શિક્ષણ વિભાગ દ્વારા નિર્ણય કરવામાં આવ્યો છે કે પહેલી પરીક્ષા પાસ કરનારને જ બીજી પરીક્ષામાં પ્રવેશ મળશે. TAT ની પરીક્ષા પદ્ધતિ હવે દ્વિસ્તરીય પરીક્ષા પદ્ધતિ રહેશે. જેમાં પહેલી પરીક્ષા વૈકલ્પિક પ્રશ્નોની રહેશે. જ્યારે બીજી પરીક્ષા વર્ણનાત્મક રહેશે. શિક્ષણ વિભાગ દ્વારા શિક્ષકોની ગુણવત્તામાં વધારો કરવા માટે આ પદ્ધતિમાં ફેરફાર કરવામાં આવ્યો છે. 

 

TATની પરીક્ષા હવેથી દ્વિસ્તરીય પરીક્ષા પદ્ધતી રહેશે 
TAT ની પરીક્ષામાં ફેરફાર કરવામાં આવતા હવે નિયમ મુજબ બે પરીક્ષા લેવામાં આવશે. (1) શિક્ષક અભિરૂચિ કસોટી માધ્યમિક (2) શિક્ષક અભિરૂચી કસોટી ઉચ્ચતર માધ્યમિક. ત્યારે આ પરીક્ષાનું આયોજન રાજ્ય પરીક્ષા બોર્ડ દ્વારા કરવામાં આવશે. ત્યારે પ્રથમ પરીક્ષામાં પાસ થયા બાદ જ બીજી પરીક્ષામાં પ્રવેશ મળશે.