BIG NEWS / ઠંડીનો ચમકારો ઘટતા શાળાના સમયમાં ફેરફાર, પહેલા 30 મિનિટની અપાઇ હતી છૂટ, હવે લેવાયો આ નિર્ણય

• શિયાળાની ઋતુ વિદાય લેતા સવારની શાળાનો સમય રાબેતા મૂજબ કરવા આદેશ 
• ઠંડીને પગલે સવારની શાળા મા ૩૦ મિનિટની અપાઈ હતી છૂટછાટ
• ગાંધીનગર જિલ્લા શિક્ષણાધીકારી દ્વારા કરવામાં આવ્યો આદેશ

ગુજરાતમાં શિયાળો હવે વિદાય ભણી હોય તેમાં ઠંડીના પ્રમાણમાં ઘટાડો જોવા મળી રહ્યો છે. આ ઉપરાંત બપોરના સમયગાળા દરમિયાન ગરમીનો પણ અહેસાર થતો હોય તેવી સ્થિતિ છે. ત્યાર હાડ થીજવતી ઠંડીનું પ્રમાણ ઓછું થતા શાળાનો સમય રાબેતા મુજબ કરવા નિર્ણય કરાયો છે. શિયાળાની ઋતુએ વિદાય લઈ રહી હોય તેવી સ્થિતિ હોવાથી શાળાનો સમય રાબેતા મુજબ કરવાનો ઉચ્ચ કક્ષાએથી આદેશ છૂટયા છે.

શિયાળામાં ઠંડીનું પ્રમાણ ઘટતા શાળાનો સમય રાબેતા મુજબ કરવાનો ગાંધીનગર જિલ્લા શિક્ષણાધિકારીએ આપ્યો આદેશ, શિયાળાને કારણે સવારની શાળામાં 30 મિનિટની અપાઇ હતી છૂટ#vtvgujarati #gujarat #schooltiming #winter pic.twitter.com/9TcMOv2u5K

— VTV Gujarati News and Beyond (@VtvGujarati) February 9, 2023

આ અંગે ગાંધીનગર જિલ્લા શિક્ષણાધિકારીએ આદેશ જારી કર્યા છે. મહત્વનું છે કે તાજેતરમાં ઠંડીની કાતિલ લહેરને લઈને શિયાળાને કારણે સવારની શાળામાં 30 મિનિટની છૂટ આપવામાં આવી હતી. જેને હવે રાબેતા મૂજબ કરવામાં આવ્યો છે.આજે વહેલી સવારે અમદાવાદમાં ઠંડીની તીવ્રતામાં સહેજ વૃદ્ધિ થઈ છે. 

હવામાન નિષ્ણાતોની આગાહી
રાજ્યમાં આ મહિનાના અંત સુધીમાં ઠંડીના વધતા-ઓછા ચમકારા અનુભવાશે તેવી હવામાન નિષ્ણાતોની આગાહી છે. કેટલાક હવામાન નિષ્ણાતોએ તો ઠંડીના નવા રાઉન્ડ ઉપરાંત કમોસમી વરસાદની પણ શક્યતા દર્શાવી છે. બીજા અર્થમાં આ વખતે શિયાળો લાંબા સમય સુધી રહેવાનો છે. સામાન્ય રીતે મહાશિવરાત્રી પછી ગરમીનો પારો ઊંચકાય છે. આગામી તા.18 ફેબ્રુઆરીએ મહાશિવરાત્રી છે, પરંતુ મહાશિવરાત્રીના પાવન પર્વ બાદ પણ ઠંડીની અસર રહે તેમ હવામાન વિભાગની આગાહી જોતાં લાગે છે.

 બુધવારે નોંધાયું હતું આટલું તાપમાન 
હવામાન ખાતાના આંકડા મુજબ બુધવારના રોજ અમદાવાદ સહિત રાજ્યના કુલ 11 શહેરોમાં મહત્તમ તાપમાન 33 ડિગ્રીને પાર અને અન્ય શહેરોમાં પણ પારો 32 ડિગ્રીને પાર પહોંચી ગયો છે. મહત્વનની વાત એ છે કે, 24 કલાકમાં મહત્તમ તાપમાનનો પારો ઉચકાયો છે. જ્યારે બીજી તરફ લધુત્તમ તાપમાનનો પારો સામાન્ય ગગડ્યો છે. બુધવારે અમદાવાદમાં લઘુત્તમ તાપમાન 16.2 ડિગ્રી નોંધાયું હતું.