ઓમિક્રોન' ગ્રહણ / 'માંડ બેઠો થયેલો ધંધો ફરીથી મંદી તરફ ધકેલાશે':નરેન્દ્ર સોમાણી, ઉદ્યોગ દ્વારા રાત્રિ કર્ફ્યૂનો વિરોધ

• હોટેલ,રેસ્ટોરન્ટ એસોશીએશન લાલઘૂમ 
• રાત્રી કરફ્યુનો એસો.કરી રહ્યું છે વિરોધ 
• ધંધા,રોજગારને નુકસાન,ગ્રાહકો ઘટશે 

ગુજરાતમાં આજે રાત્રીથી કર્ફ્યુની અમલવારી શરુ થશે. રાજ્યમાં ઓમિક્રોન અને કોરોના સંક્રમણ વધતા હવે રાજ્ય સરકારે હાલ તો એક સપ્તાહ પુરતી જ ગાઈડ લાઈન જારી કરી છે.જેમાં કેટલાક નિયંત્રણ પણ છે. આ પરિણામે,હોટલ-રેસ્ટોરન્ટ ઉદ્યોગ દ્વારા વિરોધ કરવામાં આવ્યો છે. રાત્રીના 11 થી 5 સુધી લાદવામાં આવેલા કર્ફ્યુના કારણે હોટલ-રેસ્ટોરન્ટ ઉદ્યોગને નુકસાન થશે તેમ ગુજરાત હોટેલ અને રેસ્ટોરન્ટ એસોસિએશનના પ્રમુખ નરેન્દ્ર સોમાણીએ એક નિવેદનમાં જણાવ્યું છે. 

18 મહિના બાદ હોટલ ઇન્ડસ્ટ્રીઝ માંડ બેઠી થઈ હતી. ત્યાં જ કોરોના-ઓમિક્રોન વધતા રાજ્ય સરકારે રાત્રી કર્ફ્યુંની મુદ્દત રાત્રીના 1 ને બદલે 11 કરી, બે કલાક ઘટાડી નાખી છે . આ નિર્ણયનો હોટલ-રેસ્ટોરન્ટ ઉદ્યોગ દ્વારા વિરોધ કરવામાં આવ્યો છે.સોમાણીનું કહેવું છે કે, રાત્રિ કર્ફયૂથી ગ્રાહકોની સંખ્યા ઘટશે, હવે કોવિડ સાથે જીવતા શીખવું પડશે. સરકારે બધા પક્ષે વિચારી નિર્ણય કરવો જોઇએ. આ જ મુદ્દે આગામી સમયમાં સરકારને  હોટલ એસોસિએશન રજૂઆત પણ કરશે