ગાઇડલાઇન્સ / એલર્ટ! ક્યાંક તમારા ફોનમાં તો નથી આ ફાઇનાન્શિયલ એપ્સ, તો તરત ડિલીટ કરજો

સરકારે દેશભરના એન્ડ્રોઇડ યુઝર્સ માટે એક નવી ચેતવણી જારી કરી છે. આ ચેતવણી ગુગલ પ્લે સ્ટોર પર વધતી જતી નકલી નાણાકીય એપ્સ અંગે છે. આ એપ્સ કદાચ પહેલી નજરે ઓરિજિનલ લાગે પણ આ બધી ફેક એપ્સ છે. અને તે યુઝર્સનો ડેટા ચોરી કરવા માટે ખાસ બનાવવામાં આવી છે. આ એપ્સનો ઉપયોગ યુઝરની પ્રાયવસી, ડેટા અને પૈસા માટે મોટો ખતરો બની શકે છે. અધિકારીઓએ ઘણીવાર આ નકલી નાણાકીય એપ્સને દુશ્મન વિદેશી સંસ્થાઓ સાથે જોડાયેલી હોવાનું શોધી કાઢ્યું છે.

આ અંગે આ ચેતવણી ગૃહ મંત્રાલય હેઠળ કાર્યરત ભારતીય સાયબર ક્રાઈમ કોઓર્ડિનેશન સેન્ટર (I4C) ના સત્તાવાર હેન્ડલ સાયબર દોસ્ત દ્વારા જારી કરવામાં આવી છે. તાજેતરમાં સાયબર દોસ્તે X પર એક પોસ્ટમાં આ છેતરપિંડી કરતી નાણાકીય એપ્લિકેશનોનું લિસ્ટ બહાર પાડ્યું છે. સાયબર દોસ્તના જણાવ્યા અનુસાર આ એપ્લિકેશનો ફક્ત યુઝર્સને છેતરતી નથી. પરંતુ તેમનો ડેટા, પૈસા અને પ્રાયવસી પણ જોખમમાં મૂકે છે. તમે પણ આ લિસ્ટ જોઈ લો અને એમાંથી જો તમારા મોબાઈલમાં તેમાંથી કોઈ એપ હોય તો તેને તાત્કાલિક દૂર કરો.

સાયબર દોસ્ત દ્વારા જારી કરાયેલ ફેક અને જોખમી એપ્સનું લિસ્ટ

1. ઇનવોઇઝએ એક્સપર્ટ
2. લોન રૈના - ઇન્સ્ટન્ટ લોન ઓનલાઇન
3. ગુપ્તા ક્રેડિટ- સેફ અને હેન્ડી
4. ગ્રેનાઇટસ્વિફ્ટ
5. લોનક્યુ - ફાઇનાન્શિયલ કેલ્ક્યુલેટર
6. ક્રેડિટએજ
7. અલ્ટીમેટ લેન્ડ
8. સ્માર્ટરિચ પ્રો
9. ક્રેડિટલેન્સ
10. કેશ લોન - EMI કેલ્ક્યુલેટર

સાયબર દોસ્તે યુઝર્સ માટે એક માર્ગદર્શિકા પણ જારી કરી છે. તેઓ આ ટિપ્સનું કાળજીપૂર્વક પાલન કરવાની સલાહ આપે છે:

1. એપ્લિકેશનની અધિકૃતતા તપાસો.
2. ફક્ત RBI દ્વારા ચકાસાયેલ લોન પ્લેટફોર્મનો ઉપયોગ કરો.
3. કોઈપણ વ્યક્તિગત માહિતી શેર કરતા પહેલા સંપૂર્ણ સંશોધન કરો.

વધુ વાંચો: માત્ર 2 જ દિવસ..., પછી બંધ થઇ જશે આ 1387 કરોડનો આ IPO, જે માર્કેટમાં મચાવશે ધમાલ

સરકાર દ્વારા યુઝર્સ માટે જાહેર કરવામાં આવેલી આ ચેતવણી ખાસ કરીને એવા લોકો માટે છે જેઓ ફોન કોલ કરતી વખતે પોતાનું ઇન્ટરનેટ કનેક્શન ચાલુ રાખે છે. એક પોલીસ અધિકારીએ કહ્યું છે કે આમ કરવાથી તમારો ફોન તમારી વાતચીત સાંભળી શકે છે. એક વીડિયોમાં અધિકારીએ એ પણ સમજાવ્યું છે કે વપરાશકર્તાઓ કઈ એપ્લિકેશનોને તેમના માઇક્રોફોનનો ઉપયોગ કરવાની મંજૂરી છે તે કેવી રીતે ચકાસી શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ