બીઝનેસ / શેરબજારમાંથી લાખોની કમાણી કરવી છે? હંમેશા યાદ રાખો વોરેન બફેટનો એક મંત્ર

વિશ્વના સૌથી સફળ રોકાણકારોમાંના એક ગણાતા વોરેન બફેટ તેમની સંપત્તિ કરતાં તેમની સરળ અને અસરકારક રોકાણ વ્યૂહરચના માટે વધુ જાણીતા છે. બફેટ માને છે કે દરેક વ્યવસાયને સમજવો જરૂરી નથી. શાણપણ ફક્ત તે કંપનીઓમાં ઇન્વેસ્ટ કરવામાં રહેલું છે જેને તમે સારી રીતે જાણો છો અને સમજો છો.

તેમણે આ વિચારસરણીને " Circle of Competence" નામ આપ્યું છે, એટલે કે, તમારી સમજણનો અવકાશ. બફેટ કહે છે કે દરેકઇન્વેસ્ટરો પાસે મર્યાદિત સમજ હોય છે અને નિર્ણય લેતી વખતે વ્યક્તિએ તે ક્ષેત્રમાં રહેવું જોઈએ. જ્યારે તમે ફક્ત તે ક્ષેત્રમાં ઇન્વેસ્ટ કરો છો જેને તમે ખરેખર સમજો છો, ત્યારે નુકસાનની શક્યતા ઘણી ઓછી થઈ જાય છે.

દરેક કંપનીને જાણવી જરૂરી નથી, ફક્ત તમારા કાર્યક્ષેત્રને ઓળખો

વોરેન બફેટે 1996માં બર્કશાયર હેથવેના શેરધારકોને લખેલા પત્રમાં સૌપ્રથમ સર્કલ ઓફ કોમ્પિટન્સ વિશે વાત કરી હતી. તેમણે સ્પષ્ટ લખ્યું હતું કે- તમારે દરેક કંપનીના નિષ્ણાત બનવાની જરૂર નથી, તમારે ફક્ત તે કંપનીઓને કેવી રીતે સમજવી તે જાણવું જોઈએ જે તમારી સમજણના વર્તુળમાં આવે છે. તે વર્તુળનું કદ બહુ મહત્વનું નથી પરંતુ તેની મર્યાદાઓ જાણવી ખૂબ જ મહત્વપૂર્ણ છે. આનો અર્થ એ છે કે ઇન્વેસ્ટ કરતી વખતે તમારે તે ક્ષેત્ર પર ધ્યાન કેન્દ્રિત કરવું જોઈએ જેને તમે સારી રીતે સમજો છો. અજાણ્યા ક્ષેત્રમાં કૂદકો મારવાથી ક્યારેક મોટું નુકસાન થઈ શકે છે.

પ્રોફિટ પર નહીં, ભૂલો ટાળવા પર ધ્યાન કેન્દ્રિત કરો

બફેટની ઇન્વેસ્ટમેન્ટ સ્ટ્રેટજી પ્રોફિટ કરતા પહેલા ભૂલો ટાળવા પર આધારિત છે. તેમનું માનવું છે કે જ્યારે તમે કંપનીના બિઝનેસ મોડેલ, earning system, બજારની માંગ અને સ્પર્ધાને સમજો છો, ત્યારે તમે લાગણીઓના આધારે અથવા બજારની અફવાઓના દબાણ હેઠળ નિર્ણયો લેતા નથી. જેક્સન સેમ્સ વેલ્થ સ્ટ્રેટેજીસના નાણાકીય સલાહકાર પામેલા સેમ્સના મતે, બફેટની ફિલસૂફી આપણને કંપની ખરેખર શું કરે છે અને તે શા માટે કરે છે તેના પર ધ્યાન કેન્દ્રિત કરવાનું શીખવે છે. જ્યારે તમે આ કરો છો, ત્યારે તમે બિનજરૂરી ભૂલો અને રોકાણ નુકસાન ટાળી શકો છો. આ રીતે, રોકાણકારો માત્ર વધુ સારા નિર્ણયો લઈ શકતા નથી, પરંતુ ભાવનાત્મક વધઘટથી પણ સુરક્ષિત રહે છે.

બફેટના પોર્ટફોલિયોમાંથી આપણને એક મોટો બોધપાઠ મળે છે.

Coca-Cola: જ્યારે મોટાભાગના લોકો કોકા-કોલામાં ઇન્વેસ્ટ કરવા અંગે શંકા ધરાવતા હતા, ત્યારે વોરેન બફેટે વિશ્વાસ સાથે તેમાં ઇન્વેસ્ટ કર્યું. તેનું કારણ તેની મજબૂત બ્રાન્ડ ઓળખ, ગ્રાહક વફાદારી અને સમગ્ર વિશ્વમાં તેની હાજરી હતી. બફેટ જાણતા હતા કે આ કંપની તેમની સમજણના વર્તુળમાં આવે છે, એટલે કે યોગ્યતાના વર્તુળમાં.

વધુમાં વાંચો: બહેન કદી નહીં ભૂલે! રક્ષાબંધને ભાઈઓ બહેનને આપી શકશે ગિફ્ટ, સસ્તી-સારી પણ છે

Sees Candies: બફેટ વર્ષોથી આ કંપનીમાં રોકાણ કરી રહ્યા છે. કારણ સરળ છે - તેનું સરળ પણ ટકાઉ બિઝનેસ મોડેલ, સતત નફો કમાવવાની ક્ષમતા અને ગ્રાહકનો વિશ્વાસ. તે તેમના માટે એક વિશ્વસનીય અને સ્થિર રોકાણ સાબિત થયું છે.

ડોટ-કોમ બબલથી અંતર: જ્યારે 1990 ના દાયકાના અંતમાં ઇન્ટરનેટ કંપનીઓમાં તેજી આવી અને રોકાણકારો મોટી સંખ્યામાં ટેક શેરોમાં કૂદી પડ્યા, ત્યારે બફેટે પોતાનું અંતર જાળવી રાખ્યું. તેમણે સ્પષ્ટપણે કહ્યું કે તેઓ આ કંપનીઓને સમજી શકતા નથી. અને જ્યારે ડોટ-કોમ બબલ ફાટ્યો અને ભારે નુકસાન થયું, ત્યારે તેમનું સાવધ વલણ યોગ્ય નિર્ણય સાબિત થયું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ