Budget 2025 / અટલ પેન્શન યોજનામાં મળશે બમણા રૂપિયા! બજેટમાં નાણામંત્રી કરી શકે મોટી જાહેરાત

દેશ માટે આવનારું બજેટ ખુબ જ મહત્વપૂર્ણ રહેવાનું છે. નાણામંત્રી નિર્મલા સીતારમણ 1 ફેબ્રુઆરીના રોજ નાણાકીય વર્ષ 2025-26 માટેનું બજેટ રજૂ કરવા જઈ રહ્યા છે, જેના પર સમગ્ર દેશની નજર ટકેલી છે. આ વર્ષના બજેટમાં સરકાર અટલ પેન્શન યોજના (APY) અંગે મોટી જાહેરાત કરે તેવી અપેક્ષા છે. સામાજિક સુરક્ષા વધારવાના ઉદ્દેશ્યથી સરકાર યોજના હેઠળ આપવામાં આવતી લઘુત્તમ પેન્શન રકમને બમણી કરી શકે છે. હાલમાં લઘુત્તમ માસિક પેન્શન રકમ 1,000 થી 5,000 રૂપિયા છે. જોકે, તમને કેટલું પેન્શન મળશે તે તમારા યોગદાન પર આધાર રાખે છે.

સરકારની માસિક પેન્શન બમણું કરવાની યોજના

સૂત્રોના જણાવ્યા અનુસાર, સરકાર આ યોજના હેઠળ પેન્શન વધારવાના પ્રસ્તાવને મંજૂરી આપી શકે છે. લઘુત્તમ ગેરંટી રકમ વધારીને રૂ. ૧૦,૦૦૦ કરવાનો પ્રસ્તાવ અંતિમ તબક્કામાં છે અને બજેટમાં તેની જાહેરાત થઈ શકે છે. તમને જણાવી દઈએ કે અટલ પેન્શન યોજના (APY) એ સરકારની એક પેન્શન યોજના છે, જેનો ઉદ્દેશ્ય ગરીબો અને અસંગઠિત ક્ષેત્રમાં કામ કરતા લોકોને વૃદ્ધાવસ્થામાં નાણાકીય મદદ પૂરી પાડવાનો છે. પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) દ્વારા વર્ષ 2015-16 માં શરૂ કરાયેલી આ યોજનામાં, પૈસા જમા કરાવનારાઓને માસિક રૂ. 1,000 થી રૂ. 5,000 પેન્શન મળે છે.

વધુ વાંચો : રેલવેના મુસાફરો માટે સારા સમાચાર, ટ્રેનમાં હવે RAC ટિકિટ પર મળશે આ સુવિધા

આ યોજનાની સૌથી મોટી ખાસિયત છે

અટલ પેન્શન યોજનાની સૌથી મોટી ખાસિયત એ છે કે જો લાભાર્થીનું મૃત્યુ થાય છે, તો નોમિનીને સંપૂર્ણ પૈસા મળે છે. અટલ પેન્શન યોજના ખાતું ખોલવા માટે, ઉંમર 18 થી 40 વર્ષની વચ્ચે હોવી જોઈએ. જો તમે આ યોજના માટે અરજી કરવા માંગતા હો, તો તમારી પાસે તમારું પોતાનું બેંક ખાતું હોવું આવશ્યક છે. આ યોજનાનો લાભ લેવા માટે, તમારું બચત ખાતું જે બેંકમાં છે ત્યાંથી નોંધણી ફોર્મ મેળવો અથવા વેબસાઇટ પરથી ડાઉનલોડ કરો. આ પછી, ફોર્મમાં વિગતો ભરો અને પેન્શન વિકલ્પ પસંદ કરો. પછી આધાર કાર્ડ અને અન્ય જરૂરી દસ્તાવેજો સાથે ફોર્મ સબમિટ કરો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ