Budget 2024 / ચૂંટણી પહેલા ખેડૂતો માટે અત્યાર સુધીનું સૌથી મોટું એલાન કરી શકે છે મોદી સરકાર, મહિલાઓ પર છે ખાસ ફોકસ

• પ્રધાનમંત્રી કિસાન સન્માન નિધિ ખેડૂતને આપવામાં આવી રહી છે. 
• એક વર્ષમાં ખેડૂતોને 6 હજાર રૂપિયા આપવામાં આવે છે. 
• મોદી સરકાર મહિલા ખેડૂતો માટે બમ્પર સ્કીમ લાવવા જઈ રહી છે. 

પ્રધાનમંત્રી કિસાન સન્માન નિધિ દરેક ખેડૂતને આપવામાં આવી રહી છે. એક વર્ષમાં ખેડૂતોને 6 હજાર રૂપિયા આપવામાં આવે છે. એવામાં હાલ એવી વાતો ચાલી રહી છે કે મોદી સરકાર મહિલા ખેડૂતો માટે બમ્પર સ્કીમ લાવવા જઈ રહી છે. 

જાણીતું છે કે 1 ફેબ્રુઆરી, 2024 ના રોજ, નાણા પ્રધાન નિર્મલા સીતારમણ દ્વારા સતત છઠ્ઠી વખત બજેટ રજૂ કરવામાં આવશે. લોકસભા ચૂંટણીને કારણે આ સામાન્ય બજેટ નહીં પરંતુ વચગાળાનું બજેટ હશે. ચૂંટણી વર્ષનું બજેટ હોવાથી તમામની નજર તેના પર છે. દર વખતની જેમ આ વખતે પણ નોકરિયાત વર્ગને બજેટ પાસેથી ઘણી અપેક્ષાઓ છે. એવામાં હાલ એવા અહેવાલો મળી રહ્યા છે કે મોદી સરકાર જમીનની માલિકી ધરાવતી મહિલા ખેડૂતોને પ્રધાનમંત્રી કિસાન સન્માન નિધિની રકમ બમણી કરી શકે છે.

વધુ વાંચો: ચૂંટણી પહેલા ટેક્સપેયર્સને રાહત આપશે મોદી સરકાર? બજેટમાં થઈ શકે છે મોટું એલાન

એટલે કે મહિલા ખેડૂતોને વાર્ષિક 12 હજાર રૂપિયા મળી શકે છે. આ અંગે ઘણી ચર્ચા ચાલી રહી છે, જો કે ભવિષ્યમાં તેનો અમલ થશે કે નહીં તે હજુ બાકી છે. આ સિવાય આર્થિક રીતે પછાત મહિલાઓ માટે કેશ ટ્રાન્સફર સ્કીમ શરૂ કરવાનો પણ પ્રસ્તાવ છે. કેન્દ્ર સરકાર એવી મહિલાઓ માટે કેશ ટ્રાન્સફર સ્કીમ લાગુ કરવા પર પણ વિચાર કરી રહી છે જેઓ 21 વર્ષથી વધુ ઉંમરની છે અને જેમને સરકારની કોઈપણ કલ્યાણ યોજનાનો લાભ નથી મળી રહ્યો.

દેશમાં 26 કરોડથી વધુ ખેડૂતો છે જેઓ 1.4 અબજની વસ્તી ધરાવતા દેશમાં તેમના પરિવારો સાથે એક વિશાળ મતદાર જૂથ બનાવે છે. સરકારી આંકડા મુજબ, તમામ ખેડૂતોમાં 60 ટકા મહિલાઓ છે, પરંતુ તેમાંથી 13% કરતા પણ ઓછી જમીન ધરાવે છે. મહિલા ખેડૂતોને નાણાકીય સહાયમાં વધારો કરવાથી સરકારી નાણાં પર કોઈ ખાસ અસર થશે નહીં કારણ કે $550 બિલિયનના અંદાજિત બજેટમાં રકમ ખૂબ જ ઓછી હશે.