ઘટના / અમેરિકી રાષ્ટ્રપતિના વિમાનમાંથી મળી દારુની બોટલો, હોબાળો મચતા કંપનીએ શું કર્યું જુઓ

• અમેરિકી રાષ્ટ્રપતિ બાયડનના વિમાનમાંથી મળી દારુની બોટલો
• એરફોર્સ વન બોઈંગની  ટેક્સાસની ફેક્ટરીમાં તૈયાર થઈ રહ્યું છે
• બોઈંગ તપાસ શરુ કરી 

અમેરિકી રાષ્ટ્રપતિ જો બાયડનનું સ્પેશિયલ વિમાન એરફોર્સ વન બોઈંગના ટેક્સાસની ફેક્ટરીમાં તૈયાર થઈ રહ્યું છે. તેના નિર્માણકામ દરમિયાન કંપનીના કર્મચારીઓને દારુની ઘણી ખાલી બોટલો મળી આવતા હોબાળો મચ્યો હતો. 

બોઈંગ કંપનીએ આ ઘટનાને ગંભીર ગણીને તેની તાત્કાલિક તપાસ શરુ કરી દીધી છે. ઉડતા કિલ્લા તરીકે ઓળખીતા અમેરિકી રાષ્ટ્રપ્રમુખના વિમાનમાં દારુની બોટલો મળી આવતા ગંભીર સુરક્ષાનો વિષય છે. 

બોઈંગ તપાસ શરુ કરી
અમેરિકી પ્રમુખના વિમાનમાંથી દારુની બોટલો મળી આવતા સનસની ફેલાઈ છે. બોઈંગ તાત્કાલિક ધોરણે તેની તપાસ શરુ કરી દીધી છે.

બોઇંગમાં દારૂ પર પ્રતિબંધ છે
બોઇંગ ફેક્ટરીઓમાં દારૂ પર પ્રતિબંધ છે. તેથી ખાલી બોટલોને વિદેશી પદાર્થ ભંગાર' ની ઘટના તરીકે ગણવામાં આવી રહી નથી. કંપનીએ કહ્યું છે કે તેઓ આ ઘટનાને ખૂબ જ ગંભીરતાથી લઈ રહ્યા છે. 

બોઇંગ એરફોર્સ વનનાં બે વિમાનો બનાવી રહ્યું છે
અમેરિકાની અગ્રણી વિમાન ઉત્પાદક કંપની બોઇંગ હાલમાં અમેરિકી રાષ્ટ્રપતિ માટે બે એરફોર્સ વન વિમાન બનાવી રહી છે. આ વિમાનો 2025 સુધીમાં પહોંચાડવાનું લક્ષ્ય છે. આ બંને વિમાનો 747-8 વિમાનોમાં મોટા ફેરફાર સાથે કરવામાં આવી રહ્યા છે. આ વિમાનને VC-25B મિલિટરી વેરિએન્ટ તરીકે પણ ઓળખવામાં આવે છે. આવી સ્થિતિમાં આ વિમાનમાં કામ કરતા કર્મચારીઓને સુરક્ષા મંજૂરીની જરૂર છે.