બોલીવૂડ / શું એનિમલમાં Bobby Deolને સ્ક્રીન પર ઓછો સમય મળ્યો? કહ્યું 'હું પણ ઈચ્છતો હતો કે..', 10 મિનિટમાં વગર બોલ્યે ચાહકોના દિલ જીત્યા

• એનિમલ મૂવીએ બોક્સ ઓફિસ પર મચાવી ધૂમ
• ફિલ્મને લોકોનો ખૂબ પ્રેમ મળી રહ્યો છે
• બૉબી દેઓલનાં ઓછા સ્ક્રીન ટાઈમને લઈને લોકોમાં નારાજગી

રણબીર કપૂરની ફિલ્મ 'એનિમલ' બોક્સ ઓફિસ પર ધમાલ મચાવી રહી છે. ફિલ્મને લઈને દર્શકો જબરદસ્ત રિસ્પોન્સ આપી રહ્યાં છે. સંદીપ રેડ્ડી વાંગાની આ વાયલેન્ટ ફિલ્મે બોક્સ ઓફિસ પર મોટા-મોટા સુપરસ્ટારનો રેકોર્ડ બ્રેક કરી દીધો છે. ફિલ્મમાં રણબીરની સાથે-સાથે બૉબી દેઓલની એક્ટિંગનાં પણ ખૂબ વખાણ કરવામાં આવી રહ્યાં છે. મૂવી રિલીઝ પહેલાં મેકર્સે બૉબી દેઓલનાં પાત્રને લઈને ગજબ હાઈપ ક્રિએટ કર્યો હતો પણ ફિલ્મમાં બૉબીનો સ્ક્રીન ટાઈમ ઘણો ઓછો જોવા મળી રહ્યો છે.

બૉબી દેઓલે મૌન તોડ્યું
લોકો કહે છે કે બૉબી દેઓલને ઓછું સ્ક્રીન ટાઈમ આપવામાં આવ્યું છે. જો કે આ બાબતે બૉબી દેઓલે હવે જવાબ આપી દીધો છે. તેમણે કહ્યું કે હું પોતે પણ ઈચ્છતો હતો કે આટલી મોટી ફિલ્મમાં મારી સ્ક્રીન સ્પેસ વધારે રહે પણ મને પહેલાથી જ મારા પાત્રની લંબાઈ વિશે ખબર હતી.

માત્ર 10 મિનીટનો રોલ
ફિલ્મમાં બૉબી દેઓલને એક વિલનનું પાત્ર આપવામાં આવ્યું છે જેમાં તે રણબીર કપૂરના સાવકા ભાઈ પણ બન્યાં છે. બૉબી એક ગૂંગાનો પણ રોલ ભજવી રહ્યાં છે જેમાં તેમનું નામ અબરાર છે. ફર્સ્ટ હાફમાં તો બૉબી દેઓલની એક પણ ઝલક જોવા નથી મળતી પણ સેકન્ડ હાફમાં બૉબી દેઓલની ધમાકેદાર એન્ટ્રી થાય છે જ્યાં તે પોતાનાં ત્રીજા લગ્ન પર નાચતા દેખાય છે.