પેટાચૂંટણી / હિમાચલ પેટાચૂંટણીમાં ભાજપને લાગ્યો તગડો ઝટકો, કોંગ્રેસે કર્યું 'ક્લીન સ્વીપ', તમામ બેઠકો પર વિજય

• હિમાચલમાં કોંગ્રેસે ભાજપને આપ્યો  તગડો ઝટકો 
• મંડી લોકસભા બેઠક પર કોંગ્રેસનો વિજય 
• વિધાનસભાની ત્રણેય બેઠકો પર પણ કોંગ્રેસ બાજી મારી

હિમાચલમાં કોંગ્રેસે ભાજપને તગડો ઝટકો આપ્યો છે. હિમાચલની મંડી લોકસભાની પેટાચૂંટણીમાં કોંગ્રેસની પ્રતિમા સિંહે ભાજપના ઉમેદવાર કૌશલ ઠાકુરને હરાવી દીધા છે.

#HimachalPradesh by-poll | Congress wins in Fatehpur and Jubbal-Kothkai Assembly constituencies and leads in Arki. pic.twitter.com/yKUEsgTZsp

— ANI (@ANI) November 2, 2021

હિમાચલમાં ત્રણેય વિધાનસભાની પરિણામ પણ જાહેર થયા છે. વિધાનસભાની ત્રણેય બેઠકો પર પણ કોંગ્રેસનો વિજય થયો છે. પ્રતિભા સિંહ 8766 વોટથી જીત્યા છે. 

29 વિધાનસભા અને 3 લોકસભાની બેઠકના પરિણામ જાહેર 

દેશના 13 રાજ્યો અને કેન્દ્ર શાસિત પ્રદેશોની 29 વિધાનસભા અને 3 લોકસભાની બેઠક પર થયેલી પેટાચૂંટણીના પરિણામ આવવા લાગ્યા છે. હિમાચલમાં કોંગ્રેસને લોકસભાની એક અને વિધાનસભાની 3 એમ કુલ ચાર બેઠક કબજે કરીને શાસક પાર્ટી ભાજપને મોટો ફટકો આપ્યો છે. 
 

દાદરા નગર હવેલીની બેઠક પર  શિવસેનાના કલાબેન ડેલકરનો ભવ્ય વિજય

કલાબેન ડેલકર મોહન ડેલકરના પત્ની છે. મોહન ડેલકરે આપઘાત કરીને જીવન ટૂંકાવ્યું હતું. કલાબેન ડેલકરે ભાજપના મહેશ ગાવિતને 47,447 મતથી પરાજય આપીને દાદરા નગર હવેલીની બેઠક ઝડપી હતી. 22 રાઉન્ડની મતગણતરી બાદ કલાબેનને 1,12,741 મત તો તેમના પ્રતિસ્પર્ધી ભાજપના ઉમેદવાર મહેશ ગાવિતને 63, 382 મતો મળ્યાં હતા. 30 ઓક્ટોબરે દાદરા નગર હવેલીની બેઠક માટે મતદાન યોજાયું હતું.