વડોદરા / 'મધુ' અને મામા તો ન જ માન્યા, ડેમેજ કંટ્રોલ કરવામાં ભાજપ મોવડીમંડળ નિષ્ફળ, બંનેએ 'અડીખમ' થઈ જુઓ શું કહ્યું

• મધુ શ્રીવાસ્તવ, દિનુમામાને મનાવવામાં ભાજપ નેતાઓ નિષ્ફળ 
• સવા કલાક સુધી ચાલેલી બેઠક બાદ પણ ન માન્યા મધુ શ્રીવાસ્તવ 
• સતિષ નિશાળિયા ભલે માન્યા, હું મધુ શ્રીવાસ્તવ છું: મધુ શ્રીવાસ્તવ

ગુજરાતમાં વિધાનસભાના બ્યૂગલ વાગી ગયા છે. તમામ રાજકીય પાર્ટીઓ ચૂંટણી પ્રચારના તામજામ શરૂ કરી દીધા છે. જેમ જેમ મતદાનની તારીખ નજીક આવતી જાય છે તેમ રાજકીય માહોલ ગરમાતો જાય છે. ભાજપ, કોંગ્રેસ અને આમ આદમી પાર્ટીની અંદરો અંદરો ખેચાતાણ શરૂ થઈ છે. ભાજપ ડેમેજ કંન્ટ્રોલ કરવાનો શરૂ કર્યો છે જેમાં વડોદરાના કરજણમાં તો ભાજપ પ્રદેશ અધ્યક્ષને સફળતા પણ મળી છે અને નિશાળિયા મનાવી લેવાયા છે પરંતુ વડોદરામાં મધુ શ્રીવાસ્તવ અને દિનુમામાને ભાજપનું મોવડીમંડળ માનવવામાં નિષ્ફળ રહ્યું છે.

મધુ શ્રીવાસ્તવ, દિનુમામાને મનાવવામાં ભાજપ નેતાઓ નિષ્ફળ 
વડોદરામાં ડેમેજ કંટ્રોલ કરવામાં ભાજપ મોવડીમંડળ નિષ્ફળ રહ્યું છે. દંબગ ધારસભ્ય મધુ શ્રીવાસ્તવ, દિનુમામાને મનાવવામાં ભાજપ નેતાઓ નિષ્ફળ સાબિત થયા છે. સવા કલાક સુધી ચાલેલી બેઠક બાદ પણ મધુ શ્રીવાસ્તવ માન્યા નથી. સી આર પાટીલે નારાજ મધુ શ્રીવાસ્તવને વડોદરા એરપોર્ટ બોલાવ્યાં હતા. વડોદરા એરપોર્ટ પર મધુ શ્રીવાસ્તવ અને સી.આર.પાટીલ વચ્ચે બેઠક થઇ હતી. સવા કલાક સુધી ચાલેલી બેઠક બાદ પણ મધુ શ્રીવાસ્તવ માન્યા નથી

મધુ શ્રીવાસ્તવનું નિેવેદન
મધુ શ્રીવાસ્વે જણાવ્યું છે કે, સતિષ નિશાળિયા ભલે માન્યા પણ હું મધુ શ્રીવાસ્તવ છું. તેમણે કહ્યું કે, હું અપક્ષ ચૂંટણી લડવાનો છું અને આવતીકાલે ફોર્મ ભરીશ. તેમણે કહ્યું હતું કે, ભાજપનાં નારાજ ત્રણ નેતાઓમાંથી માત્ર સતિષ નિશાળિયા માન્યા છે તમને જણાવી દઈએ કે, મધુ શ્રીવાસ્તવ અને દિનેશ પટેલ બંને અપક્ષ તરીકે ચૂંટણી લડશે.

કરજણના નારાજ નેતાનું આખરે સમાધાન
વડોદરાના કરજણના નારાજ નેતાનું આખરે સમાધાન પાર્ટી સાથે થયું છે. નારાજ નેતા સતિશ નિશાળિયાની નારાજગી દૂર થઈ છે.  સતિષ નિશાળિયાને મનાવવામાં મોવડીમંડળ સફળ રહ્યું છે. સતિષ નિશાળિયા વિધાનસભા ચૂંટણી નહી લડે. સતિષને સી આર પાટીલ પરાક્રમસિંહ જાડેજા અને ભાર્ગવ ભટ્ટે મનાવ્યા છે. ત્રણેય નેતાઓ કરજણ આવી સતિશ નિશાળિયા સાથે બેઠક કરી છે.  સતિષ નિશાળિયાએ ભાજપમાં જ રહેવાની ખાતરી આપી છે. 

ડીસામાં લેબજી ઠાકોર ભરશે અપક્ષમાંથી ફોર્મ
ભાજપમાં નેતાઓની નારાજગી વધી રહી છે એકને મનાવે ત્યાં તો બીજો રિસાય તેવુ માહોલ સર્જાયો છે. ટિકિટ ન મળતા વધુ એક નેતા અપક્ષના સહારે ગયા છે. ડીસાના લેબજી ઠાકોર અપક્ષમાંથી ફોર્મ ભરશે. લેબજી ઠાકોર મોટી સંખ્યામાં સમર્થકો સાથે ફોર્મ ભરશે. ટિકિટ ન મળતા પક્ષથી લેબજી ઠાકોર નારાજ હતા.  ડીસા ભાજપના ઉમેદવાર પ્રવિણ માળી છે 

બાયડ બેઠક બનશે પ્રતિષ્ઠાનો જંગ
ભાજપ નેતા ધવલસિંહ ઝાલાએ ઉઠાવ્યું ફોર્મ. નારાજ ધવલસિંહ ઝાલા અપક્ષમાંથી ઉમેદવારી કરી શકે છે. સમર્થકો સાથે ગતરાત્રે મોટી બેઠક કરી હતી.ટિકિટ ન મળતા ધવલસિંહે વિરોધ પણ નોંધાવ્યો હતો. બાયડ બેઠક પર ભાજપે ભીખીબેન પરમારને ટિકિટ આપી છે.