લોકસભા ચૂંટણી 2024 / 29500 ઈમારત,50 હજાર બૂથ..મતદાન માટે ગુજરાત પોલીસની કેવી તૈયારી, DGP શું બોલ્યા?

આવતીકાલે લોકસભા ચૂંટણી માટે ગુજરાતમાં મતદાન છે ત્યારે DGP વિકાસ સહાય દ્વારા પત્રકાર પરિષદ યોજાઇ હતી..જેમાં તેમણે ચૂંટણીને લઇને પોલીસ વિભાગની કામગીરી સાથે જોડાયેલી માહિતી આપી..

29,500 બિલ્ડિગ અને 50 હજાર બૂથ પર મતદાન

તેમણે કહ્યું કે મતદાન મથકો પર યોગ્ય પોલીસ સુરક્ષા ગોઠવવામાં આવી છે. ભયમુક્ત અને ન્યાયિક વાતાવરણમાં ચૂંટણી થાય તે વાત સુનિશ્ચિત કરવામાં આવી છે. ગુજરાતના 29,500 બિલ્ડિગ અને 50 હજાર બૂથ પર મતદાન થશે.

દરેક બુથ પર પોલીસ પેટ્રોલિંગ

તેમણે કહ્યું કે મતદાન મથક પર તો સુરક્ષા માટે પોલીસ તૈનાત રહેશેજ સાથે-સાથે સતત દરેક બુથ પર પોલીસ પેટ્રોલિંગ કરાશે.. અને શાંતિપૂર્ણ વાતાવરણમાં મતદાન થાય તે વાત સુનિશ્ચિત કરાશે.. તેમણે કહ્યું કે મોબાઇલ પેટ્રોલિંગમાં પોલીસ જવાનો અને હોમગાર્ડ બન્ને જોડાશે. આ સાથે ક્વિક રિસ્પોન્સ ટીમ પણ તૈયાર રહેશે.. જે દરેક સ્થતિમાં ઝડપથી રિસ્પોન્સ આપશે.

અસામાજિક તત્વો સામે કાર્યવાહી કરી

વિકાસ સહાયેકહ્યું કે જ્યારથી આચારસંહિતા લાગુ થઇ ત્યારથી ગુજરાત પોલીસ તરફથી ખુબજ પરિણામલક્ષી કામગીરી કરવામાં આવી છે. સાથે જ અસમાજિક તત્વો કોઇ વિક્ષેપ નકરે તે માટે અસરકારક અટકાયતી પગલાની ઝુંબેશ પણ હાથ ધરી હતી, અને અનેક લોકોની અટકાયત કરી હતી.