રાહત / કોર્પોરેટ ક્ષેત્રનો સરકાર પર ભરોસો બન્યો રહે તે માટે સરકાર ઉદ્યોગપતિઓને આપવા જઈ રહી છે આ રાહત

• વિવિધ ડિફોલ્ટર્સના કેસમાં કાર્યવાહીથી મુક્તિ અપાશે
• ઉદ્યોગસાહસિકને ગુનાહિત કાર્યવાહીથી મુક્તિ અપાશે
• કેટલાક કેસોમાં જેલ જવાના જોગવાઈને સમાપ્ત કરવાનો પ્રસ્તાવ

ઉદ્યોગપતિઓને હવે નહીં જવુ પડે જેલ

મુખ્ય ઉદ્દેશ એ છે કે અનેક પ્રકારના ડિફોલ્ટરોની ઘટનામાં ઉદ્યોગપતિઓને ઉદ્દેશથી ગુનાહિત કાર્યવાહીથી મુક્તિ આપવાનો છે. જેથી સરકાર માટે કોર્પોરેટમાં વિશ્વાસ વધારે મજબૂત બને. 35 પ્રકારના ટેક્નિકલ ડિફોલ્ટરોની ઘટનામાં ગુનાહિત કાર્યવાહીથી રાહત સાથે ઘણા કેસમાં જેલમાં જવાની જોગવાઈને રદ કરવાનો પ્રસ્તાવ છે.

દર વર્ષે તેમની આવકનો 2% CSR હેઠળ ખર્ચ કરવો ફરજિયાત

નાણાં પ્રધાન નિર્મલા સીતારામને કહ્યું કે, કાયદાને અનુસરનારા ઉદ્યોગપતિઓને રાહત આપવા માટે આ સુધારા કરવામાં આવી રહ્યા છે. તેમણે માહિતી આપી કે કોર્પોરેટ સોશિયલ રિસ્પોન્સિબિલીટી (CSR) ના કિસ્સામાં પણ કંપનીઓને રાહત આપવામાં આવશે. તેમણે જણાવ્યુ હતુ કે જે કંપનીઓએ CSR હેઠળ 50 લાખ કે તેથી ઓછા ખર્ચ કરવા પડશે તેઓને CSR સમિતિની સ્થાપના કરવાની જરૂર રહેશે નહીં. બીજી બાજુ, જો કોઈ કંપની નાણાકીય વર્ષમાં તેની આવકના 2 ટકાથી વધુનો ખર્ચ CSR હેઠળ કરે છે, તો પછી તે આવતા વર્ષે 2 ટકાથી વધુ રકમનો સમાવેશ કરી શકે છે. CSR હેઠળ આવતા કંપનીઓ માટે દર વર્ષે તેમની આવકનો 2% CSR હેઠળ ખર્ચ કરવો ફરજિયાત રહેશે.

વિદેશી મૂડી ભારતમાં લાવવાની પણ મંજૂરી મળશે

ભારતીય કંપનીઓને હવે વિદેશી બજારમાં યાદીબદ્ધ થઈ શકે છે. બુધવારે કેબિનેટના નિર્ણયથી વિદેશી બજારમાં ભારતીય કંપનીઓની યાદીબદ્ધ કરવાના પ્રસ્તાવને પણ મંજૂરી આપવામાં આવી છે. કંપની કાયદામાં નવી જોગવાઈ હેઠળ આ શક્ય બનશે. આ જોગવાઈ અંતર્ગત ભારતીય બજારમાં લિસ્ટેડ અને અન લિસ્ટેડ બંને કંપનીઓને વિદેશી બજારમાં પ્રવેશવાની તક મળશે. સરકારનું કહેવું છે કે આ નિર્ણયથી ભારતીય કંપનીઓને વિદેશી બજારમાં તેમનો વ્યવસાય વધારવાની સાથે સાથે વિદેશી મૂડી ભારતમાં લાવવાની પણ મંજૂરી મળશે.