શાંતિ કરાર / પેટ્રોલ-ડીઝલ, LPGથી રુપિયા સુધી... US-ઈરાન ડીલથી ભારતને થશે આ 5 મોટા ફાયદા

ડોનાલ્ડ ટ્રમ્પે એક મોટી જાહેરાત કરીને શાંતિ કરાર પરના તેમની સહમતીની જાહેરાત કરી છે. જેથી અમેરિકા અને ઈરાન વચ્ચેનું યુદ્ધ હવે સમાપ્ત થઈ ગયુ છે. જેમાં ટ્રમ્પે એમ પણ કહ્યું કે મિડલ ઈસ્ટ યુદ્ધને કારણે લાંબા સમયથી બંધ રહેલા હોર્મુઝ સ્ટ્રેટ પર અમેરિકાનો નાકાબંધી હટાવી લેવામાં આવી છે અને તેને ફરીથી ખોલવા માટે પરમીશન આપવામાં આવી છે. આ યુએસ-ઈરાન શાંતિ કરાર ભારત માટે ઘણી રીતે રાહત છે. ચાલો જાણીએ કે તેનાથી ભારત અને ભારતીયોને શું લાભ થશે.

28 ફેબ્રુઆરીના રોજ અમેરિકા અને ઇઝરાયલે ઈરાન પર હુમલા શરૂ કર્યા હતા. જેમાં ઈરાનીના બદલાથી મિડલ ઈસ્ટમાં યુદ્ધમની સ્થિતિ ઉભી થઇ હતી. જેનાથી વિશ્વભરના ઘણા દેશો ઘેરાઈ ગયા હતા. આ સંઘર્ષને કારણે ઈરાને હોર્મુઝ સ્ટ્રેટ બંધ કરી દીધું હતું જે વિશ્વની લગભગ 20% ઓઈલ જરૂરિયાતો પૂરી કરે છે. આ તણાવની સીધી અસર ક્રૂડ ઓઇલના ભાવ પર પડી હતી.

ઉલ્લેખનીય છે કે, પ્રધાનમંત્રી નરેન્દ્ર મોદીએ અમેરિકા અને ઈરાન વચ્ચે થયેલા શાંતિ કરારનું સ્વાગત કર્યું છે. જેમાં તેમને સોશિયલ મીડિયા પર એક ટ્વિટમા મિડલ ઇસ્ટમાં ચાલી રહેલા સંઘર્ષને સમાપ્ત કરવા માટે બંને રાષ્ટ્રો વચ્ચે થયેલી સર્વસંમતિને ખૂબ જ પ્રશંસનીય પગલું ગણાવ્યું. છે પીએમ મોદીના મતે આ સંઘર્ષે ગંભીર વૈશ્વિક આર્થિક કટોકટી ઉભી કરી હતી. જેના કારણે અનેક દેશોમાં જાનમાલનું ભારે નુકસાન થયું હતું.

ક્રૂડ ઓઇલના ભાવમાં મોટા વધારાથી ઘણા દેશોમાં મોંઘવારી વધી હતી. જેમાં યુએસમાં પણ મોંઘવારીમાં વધારો થયો. આ સિવાય પાકિસ્તાનથી લઈને બ્રિટન અને બાંગ્લાદેશ અને ભારત સુધીના દેશોમાં ઓઈલ અને ગેસનું મોટું સંકટ જોવા મળ્યું હતું. પેટ્રોલ અને ડીઝલના ભાવમાં વધારો થયો હતો અને LPG સિલિન્ડર પણ મોંઘા થયા હતા. આવી સ્થિતિમાં ટ્રમ્પની જાહેરાત મુજબ જો હોર્મુઝ સ્ટ્રેટ ફરી ખુલે છે અને ઓઈલ તથા ગેસની સપ્લાય ફરી રીસ્ટોર થાય છે તો તે એક મોટી રાહત હશે. ચાલો જાણીએ કે તેનાથી ભારતને કયા 5 મુખ્ય ફાયદા થવાના છે.

• ઓઈલ અને ગેસ સંકટ

યુએસ-ઈરાન શાંતિ કરારની અસર ક્રુડ ઓઈલ પર દેખાવા લાગી છે અને સોમવારે ઇન્ટરનેશનલ બજારમાં ક્રુડ ઓઈલના ભાવ અચાનક ઘટી ગયા હતા. જેમાં બ્રેન્ટ ક્રૂડના ભાવ 5 ટકા ઘટીને 83 પ્રતિ ડોલર બેરલ થયા હતા. WTI ક્રૂડના ભાવ 5.50 ટકા ઘટીને 80 પ્રતિ ડોલર બેરલ થયા હતા. મુર્બન ક્રૂડના ભાવ લગભગ 7 ટકા ઘટી ગયા હતા. ઈરાન અને હોર્મુઝ સ્ટ્રેટ ભારત સહિત આયાત-આધારિત દેશો માટે મુખ્ય સપ્લાય કેન્દ્ર છે, અને ભારત તેની ઓઈલની જરૂરિયાતોનો લગભગ 85% આયાત કરે છે. આથી આ ડીલ દેશમાં ઓઈલ અને ગેસ સંકટને દૂર કરવા માટે મદદરૂપ સાબિત થઈ શકે છે.

• પેટ્રોલ, ડીઝલ અને LPG થઈ શકે છે સસ્તા

હોર્મુઝ સ્ટ્રેટ ખુલવાથી અને ઓઈલ તથા ગેસ સપ્લાય ચેઈનમાં સુધારાથી દેશમાં આયાત વધશે જેનાથી અછત ઘટશે. ક્રૂડ ઓઈલ સસ્તું થવાથી પેટ્રોલ અને ડીઝલની કિંમતમાં ઘટાડો થઈ શકે છે, જેના લીધે કિંમતોમાં વધુ ઘટાડો થઈ શકે છે. એનાથી સામાન્ય ભારતીયને મોટી રાહત મળશે. ગેસ સપ્લાયમાં બરાબર થવાથી LPG કટોકટી હળવી થશે, અને તેલ માર્કેટિંગ કંપનીઓ સિલિન્ડરના ભાવ ઘટાડી શકે છે. સસ્તું ઈંધણ પરિવહન ખર્ચ ઘટાડીને મોંઘવારીને કંટ્રોલ કરશે અને ખાદ્ય અને ડ્રીંક સહિત બીજા જરૂરી ચીજવસ્તુઓના ભાવમાં ઘટાડો થવાની શક્યતા છે.

• શેરબજારમાં સુધારો

વૈશ્વિક તણાવ, યુદ્ધો અને જીયોપોલીટીકલ તણાવ શેરબજાર પર સીધી અસર કરે છે. ટ્રમ્પે ઈરાન સાથે શાંતિ કરારની જાહેરાત કરતાની સાથે જ સોમવારે સેન્સેક્સ અને નિફ્ટી તેજી સાથે ખુલ્યા. ખાસ કરીને ઓઈલના ભાવ સાથે જોડાયેલા ક્ષેત્રોના શેરમાં મોટો ઉછાળો જોવા મળ્યો છે.

• રૂપિયો મજબુત થવાની શક્યતા

ક્રુડ ઓઈલના ભાવમાં ઘટાડાથી ભારતીય ચલણ રૂપિયાને પણ ફાયદો થશે. જે વૈશ્વિક તણાવ વચ્ચે અમેરિકન ડોલર સામે સતત કમજોર પડી રહ્યો છે અને 95ના આંકડાને વટાવી ગયો છે. ક્રુડ ઓઈલના ભાવમાં ઘટાડાથી ભારતના ઓઈલ આયાત બિલમાં ઘટાડો થશે. જેનાથી દેશની વેપાર ખાધમાં ઘટાડો થશે. તેનાથી ચલણ પર દબાણ ઘટીને વધારો થશે.

વધુ વાંચો : 'દુનિયામાં શાંતિ સ્થાપિત થશે', અમેરિકા-ઈરાન ડિલ પર PM મોદીએ કર્યુ ટ્વિટ

• ભારતીય પ્રવાસીઓ માટે રાહત

મિડલ ઇસ્ટમાં યુદ્ધે ગલ્ફ દેશોમાં રહેતા અને કામ કરતા લાખો ભારતીયો માટે મોટો ખતરો ઉભો કર્યો છે. અહેવાલો અનુસાર આશરે 90 લાખ ભારતીયો ગલ્ફ દેશોમાં કામ કરે છે. આ શાંતિ કરાર આ ભારતીય પ્રવાસીઓની સુરક્ષા વધશે અને રોજગારના જોખમો ઘટશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ