પ્રાણ-પ્રતિષ્ઠા મહોત્સવ / હજારો રૂપિયામાં પડશે અયોધ્યાની યાત્રા: ફ્લાઇટથી લઈને હોટલના ભાવમાં બમ્પર વધારો

• રામમંદિર પ્રાણ પ્રતિષ્ઠાને લીધે ફ્લાઈટ્સનાં ભાવ વધ્યાં
• અયોધ્યા હોટેલ્સનું ભાડું 70 હજારને પાર
• 6-7 હજાર મહેમાનો સમારોહમાં જોડાઈ શકે છે

પ્રાણ-પ્રતિષ્ઠા સમારોહને હવે થોડા જ દિવસો બચ્યાં છે. 22 જાન્યુઆરીનાં રોજ આ કાર્યક્રમ થવા જઈ રહ્યો છે. સમારોહ માટે હજારો લોકોને આમંત્રણ પહોંચી ગયાં છે. જો તમે 22 જાન્યુઆરીની આસપાસ અયોધ્યા પહોંચવા ઈચ્છો છો તો તમને આ યાત્રા ઘણી મોંઘી પડી શકે છે કારણકે આ તારીખોની આસપાસ અયોધ્યાની હોટેલ્સ અને ફ્લાઈટ્સનાં ભાવ આસમાને પહોંચી ગયાં છે.  ઈઝ માય ટ્રિપ, થોમસ કુક અને SOTC જેવા ટ્રાવેલ પોર્ટલ દ્વારા કહેવામાં આવી રહ્યું છે કે આ કાર્યક્રમ માટે લોકો લાખો રૂપિયા ખર્ચ કરવા માટે તૈયાર છે. પ્રાણ પ્રતિષ્ઠા સમારોહ માટે 6-7 હજાર લોકોને આમંત્રણ મોકલવામાં આવ્યું છે જેમાં અનેક રાજનેતા અને સેલિબ્રિટી પણ સામેલ છે.

ફ્લાઈટ્સનાં ભાવ આસમાને
થોમસ કુક અને SOTC ટ્રાવેલ અનુસાર મુંબઈ, દિલ્હી, બેંગલુરુ, કોલકત્તા, હૈદ્રાબાદ અને ચૈન્નઈથી અયોધ્યાની ફ્લાઈટની ટિકિટ 20થી 30 હજાર રૂપિયા સુધી પહોંચી ગઈ છે. 22 જાન્યુઆરીવાળા અઠવાડિયામાં ફ્લાઈટનું ભાડું બીજા દિવસોની તુલનામાં ઘણું વધારે છે. મેક માય ટ્રિપ પર સોમવારે 22 જાન્યુઆરી માટે મુંબઈથી અયોધ્યાનાં વનવે ફ્લાઈટની ટિકિટનું ભાડું 17900 રૂપિયાથી 24600 રૂપિયા સુધીનું દેખાડી રહ્યાં છે. જ્યારે 21 જાન્યુઆરીનાં નોન સ્ટોપ ફ્લાઈટનું ભાડું 20699 રૂપિયા દર્શાવી રહ્યાં છે. કોલકત્તાથી અયોધ્યા માટે 20 જાન્યુઆરી માટે ફ્લાઈટ ટિકિટ 19456 રૂપિયાથી 25761 રૂપિયાની વચ્ચે દેખાડી રહ્યાં છે.

વધુ વાંચો: અમિતાભ બચ્ચને અયોધ્યામાં ખરીદ્યો મુંબઇથી પણ વધારે મોંઘો પ્લોટ, જાણો કેમ, કિંમત છે કરોડોમાં

હોટલનું એક રાતનું ભાડું 70000 રૂપિયા
પ્રાણ પ્રતિષ્ઠા મહોત્વમાં આશરે 7000 મહેમાનોનાં પધારવાની આશા છે. આ બાદ દરરોજ 3-5 લાખ લોકો અયોધ્યા પહોંચી શકે છે. રામમંદિરનાં ઉદ્ધાટનને લીધે અયોધ્યા હોટલ્સ ફુલ બુક થઈ ગઈ છે. જેના લીધે હોટલોનાં રૂમનાં ભાડાં પણ વધી ગયાં છે. 80-100% રૂમ ભરાઈ ગયાં છે. જ્યારે કેટલીક હોટેલ્સમાં એક રાત્રીનું ભાડું 70 હજાર રૂપિયા સુધી પહોંચી ગયું છે.