પેટલાદ / બસ ડ્રાયવરની ઈમાનદારી પર ઓવારી જશો, મુસાફર બસમાં ભુલી ગયો લાખો રૂપિયાના ઘરેણાંની બેગ, જુઓ પછી શું થયું

• પેટલાદ ડેપોમાં બસ ડ્રાઇવર-કંડક્ટરની ઈમાનદારી આવી સામે
• પેટલાદથી ગોધરા જતી ST બસમાં મુસાફર ભુલી ગયા પોતાની બેગ
• બસ ડ્રાઈવર અને કંડક્ટરે મુસાફરને શોધી બેગ કરી પરત

ઘણી વખત આપણે મુસાફરી દરમ્યાન બસ, રીક્ષા કે ખાનગી ટ્રાવેલ્સમાં આપણો કિંમતી સામાન ભૂલી જતા હોઈએ છીએ. ત્યારે આવો જ એક કિસ્સો પેટલાદ ડેપોમાં બનવા પામ્યો હતો. ત્યારે પેટલાદ ડેપોમાં બસ ડ્રાઈવર-કંડક્ટરની ઈમાનદારી સામે આવી છે.  જેમાં પેટલાદથી ગોધરા જતી એસ.ટી.બસમાં મુસાફરી દરમ્યાન મુસાફર પોતાની બેગ ભૂલી ગયો હતો. ત્યારે મુસાફરની બેગમાં લાખો રૂપિયાના ચાંદીના દાગીના હતા. ત્યારે આ બાબતની જાણ બસ ડ્રાઈવર તેમજ કંડક્ટરને બસમાં તપાસ કરતા બેગ બસમાંથી મળી આવી હતી. બસ ડ્રાઈવર અને કંડક્ટરે મુસાફરને શોધી બેગ પરત કરી હતી. ત્યારે મુસાફરે બસ ડ્રાઈવર તેમજ કંડક્ટરનો આભાર માની તેઓની ઈમાનદારીને બિરદાવી હતી.

મને મારી બેગની તમામ વસ્તુ મળી ગઈઃમુસાફર
આ બાબતે મુસાફરે જણાવ્યું હતું કે મેં આણંદથી ગોધરા સુધી મુસાફરી કરી હતી.  ત્યારે મારી બેગ બસમાં રહી ગઈ હતી. આ બાબતની જાણ મેં પેટલાદ કંટ્રોલને જાણ કરી હતી. જે બાદ ગોધરા કંટ્રોલ ડેપો દ્વારા બેગની જાણ ડ્રાયવર કંડક્ટરને કરી હતી. જે બાબતે ડ્રાયવર-કંડક્ટરે મને કહેલ કે તમારી બેગ મળી ગઈ છે. તો આવતીકાલે કંટ્રોલ રૂમ પર આવી તમે તમારી  બેગ લઈ જજો. ત્યાદ આજે હું બેગ લેવા માટે પેટલાદ કંટ્રોલ રૂમ ખાતે આવ્યો હતો અને મને મારી બેગની તમામ વસ્તુ મળી ગઈ હતી.

ડ્રાયવર-કંડક્ટરે બેગ પેટલાદ ડેપોમાં જમા કરાવી હતીઃપેટલાદ ડેપો ડીઆઈ
પેટલાદ ડેપોમાં ડીઆઈ તરીકે ફરજ બજાવતા અધિકારીએ જણાવ્યું હતું કે પેટલાધથી ગોધરા જતી બસમાં એક મુસાફર મુસાફરી કરી રહ્યો હતો. તે દરમ્યાન તેઓ તેઓની બેગ બસમાં ભૂલી ગયા હતા. જે બાબતની જાણ થતા આ બાબતે અને કંટ્રોલને જાણ થતા અમે ડ્રાયવર-કંડક્ટરને આ બાબતે જાણ કરતા કંડક્ટર-ડ્રાયવરને બેગ મળતા તેઓએ પેટલાદ કંટ્રોલ ડેપો ખાતે બેગ જમા કરાવેલ ત્યારે આજ રોજ મુસાફરને બેગ પરત કરવામાં આવેલ છે.