ODI World Cup / વર્લ્ડ કપના રસિયાઓ માટે મોટી ખબર, મેચની ટિકિટો ક્યાંથી ખરીદવી? BCCIએ કર્યું એલાન

• BookMyShow પરથી ખરીદી શકાશે ODI વર્લ્ડ કપની ટિકિટો
• BCCIએ જાહેર કર્યું ટિકિટીંગ પ્લેટફોર્મ 
• 5 ઓક્ટોબરથી શરુ થઈ રહ્યો છે વર્લ્ડ કપ 

ભારતની ભૂમિ પર 5 ઓક્ટોબરથી વન ડે વર્લ્ડકપનો પ્રારંભ થઈ રહ્યો છે. આ વખતે વર્લ્ડ કપમાં 10 ટીમો ભાગ લઈ રહી છે. ક્રિકેટ મહાકુંભ માટે તમામ ટીમો ખૂબ જ ઉત્સાહિત છે. આ ટૂર્નામેન્ટ 5 ઓક્ટોબરથી 19 નવેમ્બર સુધી રમાશે. ટીમ ઇન્ડિયા પોતાની પહેલી મેચ 8 ઓક્ટોબરે ઓસ્ટ્રેલિયા સામે રમશે. જો તમે ક્રિકેટના ચાહક છો અને સ્ટેડિયમમાં જઈને મેચ જોવા ઈચ્છો છો તો ટિકિટ વેચાણ સાથે જોડાયેલા મોટા સમાચાર સામે આવ્યા છે.

🚨 NEWS 🚨 BCCI announces BookMyShow as Ticketing Platform for ICC Men’s Cricket World Cup 2023. #CWC23

More Details 🔽 https://t.co/HKgat0A5bB

— BCCI (@BCCI) August 23, 2023

24 ઓગસ્ટથી  BookMyShow પર વર્લ્ડ કપની ટિકિટો બૂક કરાવી શકાશે 
બીસીસીઆઈએ આઈસીસી વનડે વર્લ્ડ કપ 2023 માટે ટિકિટિંગ પ્લેટફોર્મ તરીકે BookMyShowની જાહેરાત કરી છે. ચાહકો 24 ઓગસ્ટથી ટિકિટ બુક કરાવી શકે છે. માસ્ટરકાર્ડ ધરાવતા ફેન્સને 24 કલાક પહેલા ટિકિટ બુક કરવાની સુવિધા મળશે.

વર્લ્ડ કપ 2023 ની ટિકિટ કેવી રીતે અને ક્યારે બુક કરાવી શકાય છે? 

• 24 ઓગસ્ટ સાંજે 6 વાગ્યાથી: માસ્ટરકાર્ડ પ્રી-સેલ - વોર્મ-અપ ગેમ્સ સિવાયની તમામ નોન-ઇન્ડિયન ઇવેન્ટ મેચ
• 29 ઓગસ્ટ સાંજે 6 વાગ્યાથી: માસ્ટરકાર્ડ પ્રી-સેલ - વોર્મ-અપ ગેમ્સ સિવાયની તમામ ભારતીય મેચો
• 14 સપ્ટેમ્બરે સાંજે 6 વાગ્યે: માસ્ટરકાર્ડ પ્રી-સેલ - સેમિ-ફાઇનલ્સ અને ફાઇનલ્સ
• 25 ઓગસ્ટ રાત્રે 8 વાગ્યાથી: નોન-ઇન્ડિયા વોર્મ-અપ મેચો અને તમામ નોન-ઇન્ડિયા ઇવેન્ટ મેચ
• 30 ઓગસ્ટ: ભારતમાં ગુવાહાટી અને તિરુવનંતપુરમમાં યોજાનારી આ મેચ માટે ટિકિટનું વેચાણ રાત્રે 8 વાગ્યાથી શરૂ થશે.
• 31 ઓગસ્ટ: ચેન્નાઇ, દિલ્હી અને પુણેમાં યોજાનારી મેચોની ટિકિટનું વેચાણ 8 ઓગસ્ટથી શરૂ થશે.
• 1 સપ્ટેમ્બરે રાત્રે 8 વાગ્યાથી: ભારતમાં ધર્મશાળા, લખનઉ અને મુંબઇમાં યોજાનારી આ મેચની ટિકિટોનું વેચાણ શરૂ થઇ જશે
• 2 સપ્ટેમ્બરે રાત્રે 8 વાગ્યાથીઃ બેંગલુરુ અને કોલકાતામાં યોજાનારી આ મેચની ટિકિટોનું વેચાણ શરૂ થઈ જશે.
• 3 સપ્ટેમ્બરે : ભારત-પાકની અમદાવાદ મેચની ટિકિટ 
• 15 સપ્ટેમ્બર- સેમિફાઈનલ અને ફાઈનલની ટિકિટ