દેશ / માતા-પિતા એલર્ટ.! નર્સરી શાળામાં તમારું બાળક સુરક્ષિત તો છે ને? સામે આવ્યો ખૌફનાક વીડિયો

• બેંગલૂરુની પ્રિ-સ્કૂલનો વીડિયો વાયરલ
• કેરટેકર મહિલા બાળકોને રૂમમાં બંધ કરીને જતી રહી
• પાછળથી એક બાળકે અન્ય બાળક સાથે મારપીટ કરી

નર્સરીમાં સ્કૂલમાં પણ બાળકો સુરક્ષિત નથી? હાલમાં બેંગલૂરુની એક પ્રિ-સ્કૂલનો વીડિયો સામે આવી રહ્યો છે જેને જોઈ લોકો રોષે ભરાયા છે. મામલો એવો છે કે પ્રી-સ્કૂલમાં એક નાનો બાળક રૂમમાં રમી રહ્યો હતો. તેમની દેખરેખ કરતી મહિલા બાળકોને ભગવાન ભરોસે છોડીને બહારથી દરવાજો બંધ કરીને જતી રહી હતી. એ બાદ જે થયું તે સમગ્ર ઘટના CCTVમાં કેદ થઈ ગઈ છે.

A disturbing video of a preschool where toddlers are left unattended in a closed room. A senior kid is seen hitting repeatedly a junior school. Please think once before sending your’s kids to this kind of School🙏pic.twitter.com/7ovmq7dWn0

— Ghar Ke Kalesh (@gharkekalesh) June 22, 2023

મહિલા બાળકોને રૂમમાં મૂકીને જતી રહી. આ બાદ ત્યાં રમતાં બાળકોમાં જે સૌથી મોટી ઉંમરનો બાળક હતો તેણે બીજા એક બાળકને મારવાનું શરૂ કરી દીધું હતું. સીસીટીવી ફુટેજમાં આ ઘટના કેદ થઈ છે. એક યૂઝરે આ વીડિયો સોશિયલ મીડિયા પર અપલોડ કરી દીધું અને આ વીડિયો વાયરલ થઈ ગયો છે. વાયરલ થયાં બાદ બેંગલોર પોલીસે સમગ્ર કાર્યવાહી શરૂ કરી છે.

બાળકોને રૂમમાં લોક કરીને જતી રહી મહિલા
આ વીડિયોમાં નાના બાળકોનું એક સમૂહ રૂમમાં રમકડાં સાથે હાજર છે. બ્લૂ સાડીમાં જે મહિલા છે તે દરવાજાની પાસે ઊભી છે તે કેટલાક બાળકોને રૂમની બહાર લઈને જાય છે અને બાકીનાં બાળકોને રૂમમાં કોઈની દેખરેખ વગર બંધ કરીને જતી રહે છે. આ બાદ એક બાળક અન્ય બાળકને મારવા લાગે છે. એ બાળક વારંવાર અન્ય બાળકને મારવા જાય છે. કોઈ વયસ્ક રૂમમાં ન હોવાને લીધે તેને કોઈ રોકી પણ નથી રહ્યું.