વાહ! / હવે ઘાસ ઉગાડવા માટે જમીનની નહીં પડે જરૂર, 60 દિવસમાં ઉગતું ઘાસ 7 દિવસમાં તૈયાર થશે

Published By: Shalin

Last Updated: 09:52 PM, 23 November 2020

FOLLOW ON

શેર કરો

બનાસકાંઠામાં પાણીની સમસ્યા દિવસે દિવસે વિકરાળ બનતી જઈ રહી છે અને તેના કારણે ઘાસચારાની તંગી પણ વર્તાય છે.

આવા સમયમાં બનાસ ડેરીએ માત્ર સાત જ દિવસમાં ઘાસ તૈયાર થાય તેવું હાઈડ્રોફૉનિક ઘાસચારાનું મશીન વિકસાવ્યું છે. ખેતરમાં તૈયાર થતા ઘાસને 50 થી 60 દિવસ લાગે છે. જ્યારે હાઈડ્રોલિક મશીનમાં માત્ર સાત જ દિવસમાં ઘાસ તૈયાર થાય છે. બનાસ ડેરીના ચેરમેન શંકર ચૌધરીએ ડેરીના ડિરેક્ટરોની હાજરીમાં ઘાસ બનાવતા હાઈડ્રોફૉનિક મશીનનું લોકાર્પણ કર્યું હતું.

આ મશીનથી જમીન વિના અને ઓછા પાણીએ ઉગાડી શકાશે ઘાસ

આ હાઈડ્રોફોનિક મશીનથી ખેતર વિના ઘાસ ઉત્પન્ન કરી શકાય છે તેમજ ઓછા પાણીએ પણ ઘાસ તૈયાર થાય છે. આથી ઓછી જમીન ધરાવતા કે જમીન વિહોણા પશુપાલકોને પણ આ મશીન ઉપયોગી થઈ પડશે. હાઈડ્રોફૉનિક ઘાસચારાનું મશીન સાઈઝ પ્રમાણે અલગ અલગ કિંમતનું આવે છે.

આ મશીન દ્વારા ઉત્પન્ન થતું ઘાસ પશુઓ માટે ખૂબ જ ઉત્તમ પ્રકારનું છે. ત્યારે બનાસડેરીના ચેરમેન શંકર ચૌધરીએ આ હાઈડ્રોફૉનિક મશીન દ્વારા પશુપાલનને પણ વેગ મળશે તેવી આશા વ્યક્ત કરી છે.

આમ, ઘાસચારાની તંગી દૂર કરવા અને ઓછા પાણીએ ઘાસચારો મેળવવા માટે બનાસ ડેરીએ હાઈડ્રોફૉનિક ઘાસચારાનું મશીન તૈયાર કરીને પશુપાલકોને એક અનોખી ભેટ અર્પણ કરી છે.