VIDEO / વિકેટકીપરે આઉટની અપીલ કરી તો બેટ ઉઠાવીને મારવા દોડ્યો બાબર આઝમ, રિઝવાન ઉભી પૂંછડિયે ભાગ્યો, જુઓ વીડિયો

• પાકિસ્તાની પૂર્વ ક્રિકેટર બાબર આઝમનો વીડિયો
• પ્રેક્ટિસ મેચ દરમિયાન બેટ લઈને ભાગી રહ્યાં છે પૂર્વ કેપ્ટન
• બાબર આઝમનો આ વીડિયો ખૂબ વાયરલ

બાબર આઝમે હાલમાં પાકિસ્તાન ક્રિકેટ ટીમનાં કેપ્ટન પદથી રાજીનામું આપ્યું છે. હવે તેઓ ટીમમાં પોતાની અન્ય સેવાઓ આપશે. પાકિસ્તાનની ટીમ ટૂંક સમયમાં ઑસ્ટ્રેલિયાની સામે મેચ રમવા ઊતરશે જ્યાં તે 3 ટેસ્ટ મેચોની સીરીઝ રમશે. આ મહત્વની સીરીઝ પહેલાં પાકિસ્તાનની ટીમ પિંડીમાં 2 દિવસિય પ્રેક્ટિસ મેચ રમવા ઊતરી હતી જ્યાં બાબર આઝમ સહિત ટીમનાં લગભગ તમામ ખેલાડીઓ પોતાની તૈયારી કરી રહ્યાં હતાં. આ પ્રેક્ટિસનો એક વીડિયો સોશિયલ મીડિયા પર સતત વાયરલ થઈ રહ્યો છે જેમાં બાબર આઝમ સાથે વિકેટકીપર મોહમ્મદ રિઝવાન પણ દેખાઈ રહ્યાં છે. 

Babar 😭😭 pic.twitter.com/OnLIv1t4A7

— Hassan (@HassanAbbasian) November 25, 2023

શા માટે પૂર્વ કપ્તાન બાબર આઝમે બેટ હાથમાં લીધો?
સોશિયલ મીડિયા પર વાયરલ થયેલો આ વીડિયો પ્રેક્ટિસ મેચનો જણાવાઈ રહ્યો છે. આ વીડિયોમાં બાબર આઝમ બોલને હિટ કર્યાં પહેલાં ક્રીઝની બહાર નિકળી જાય છે. આ બાદ રિઝવાન પાછળથી બોલને સીધો સ્ટંપ્સ પર થ્રો કરે છે. આ બાદ રિઝવાન સાથે બેટર બાબરની મજા લેતાં દેખાય છે. મજાકમાંને મજાકમાં બાબર પણ બેટ લઈને રિઝવાનની પાછળ દોડવા લાગે છે.

પાકિસ્તાન vs ઓસ્ટ્રેલિયા 
પાકિસ્તાન ટીમની ઓસ્ટ્રેલિયા સાથેની સીરીઝ ડિસેમ્બરમાં શરૂ થશે. પાકિસ્તાન ક્રિકેટ બોર્ડે શાન મસૂદને ટેસ્ટ ટીમના નવા કેપ્ટન તરીકે પસંદ કર્યા છે. પાકિસ્તાન અને ઓસ્ટ્રેલિયા વચ્ચે સીરીઝની પ્રથમ ટેસ્ટ મેચ 14 ડિસેમ્બરથી પર્થમાં રમવામાં આવશે. પાકિસ્તાનની ટીમ જૂન બાદ પ્રથમ વખત ટેસ્ટ સીરીઝ રમશે.