માફિયા હત્યા બાદ ખુલાસો / ધડાધડ ગોળીઓ વાગ્યાં બાદ તરત અતીકે કર્યું હતું આવું, અશરફનો ઝટકામાં જીવ ગયો, પોસ્ટમોર્ટમમાં ખુલાસો

• ગેંગસ્ટર અતીક-અશરફની હત્યા બાદ વધુ એક ખુલાસો
• 9 ગોળીઓ વાગ્યાં બાદ તરત મર્યો ન હોતો અતીક
• થોડીક સેકન્ડો તરફડ્યો હતો 
• અશરફનું તરત થયું હતું મોત 

શનિવારે રાતે યુપીની પ્રયાગરાજની હોસ્પિટલની બહાર ગેંગસ્ટર અતીક અહમદને 9 અને તેના ભાઈ અશરફને 5 ગોળી વાગી હતી જે પછી તેમના તરત મોત થયાં નહોતા.  સૂત્રોએ અતીક અને અશરફના પોસ્ટમોર્ટમ રિપોર્ટને ટાંકીને માહિતી આપતાં કહ્યું કે અતિકને નવ ગોળી વાગી હતી, જેમાંથી ત્રણ રાઉન્ડ તેના માથા પર ફાયરિંગ કરવામાં આવ્યું હતું અને અતીકના ગળા, પેટ અને કમરમાં છ રાઉન્ડ ફાયરિંગ કરવામાં આવ્યું હતું. સાથે જ અશરફ પર 9 રાઉન્ડ ફાયરિંગ કરવામાં આવ્યું હતું. એક ગોળી તેના ચહેરા પર વાગી હતી અને બાકીની ગોળી બીજા ભાગોમાં હતી.

Prayagraj killings: Atiq Ahmed shot in head, neck, chest, say sources on initial post-mortem report

Read @ANI Story | https://t.co/G2sS7LegMZ#AtiqAhmed #Prayagraj #UmeshPalCase #Postmortemreport pic.twitter.com/0kctNKpGR7

— ANI Digital (@ani_digital) April 17, 2023

ગોળીઓ વાગ્યાં બાદ અતીક તરફડ્યો હતો 
બંને ભાઈઓને એવા ભાગોમાં ગોળી વાગી હતી કે તેઓ તરત જ મૃત્યુ પામ્યા હતા. જો કે અતીક અહેમદને ગોળી વાગતા થોડા સમય સુધી તરફડિયા મારતો રહ્યો હતો પરંતુ અશરફત તરત મરી ગયો હતો. ડોક્ટરો ત્યાં તપાસ માટે પહોંચ્યા ત્યાં સુધીમાં અતિકને પણ દમ તોડી દીધો હતો. ફોરેન્સિક ટીમના રિપોર્ટ મુજબ ઘટનાસ્થળેથી કુલ 20 ખાલી કારતૂસ મળી આવ્યા છે.

યુપી પોલીસે અતીકની હત્યાની તપાસ માટે એસઆઈટીની રચના કરી
અતિક અહેમદ અને અશરફની હત્યાની તપાસ માટે ઉત્તર પ્રદેશ સરકારે હાઈકોર્ટના નિવૃત્ત જજ અરવિંદકુમાર ત્રિપાઠીની અધ્યક્ષતામાં ત્રણ સભ્યોના જ્યુડિશિયલ કમિટીની રચના કરી છે. ઉપરાંત નિવૃત્ત જજ બ્રિજેશકુમાર સોની અને ઉત્તર પ્રદેશના પૂર્વ પોલીસ મહાનિર્દેશક સુબેશકુમાર સિંહ પણ આ કમિશનનો હિસ્સો છે. પંચે બે મહિનાની અંદર પોતાનો રિપોર્ટ સરકારને સોંપવો પડશે.