છોટે કાશી / ઉમરેઠમાં અષાઢી તોલવાની પંરપરા: ધાન્યની વધઘટના આધારે ખેતીના પાકનું અનુમાન, જુઓ કેવું રહેશે આગામી વર્ષ

• આંણદના ઉમરેઠમાં અષાઢી તોલવાની પંરપરા
• ધાન્યની વધઘટના આધારે ખેતીના પાકનું અનુમાન કરે છે
• ધાન્યોના વજનમાં થયેલા ફેરફારને અષાઢી કહેવાય

આણંદ જિલ્લાના ઉમરેઠએ અતિપ્રાચીન નગરી છે ભારતમાં તે છોટે કાશી તરીકે જગપ્રસિદ્ધ છે. કાશી અને ઉમરેઠની ઘણી બધી સામ્યતા છે. સમગ્ર ભારતમાં માત્ર કાશી અને આજ શિવાલયમાં ઐતિહાસિક આષાઢી તોલવાની પરંપરા છે. છેલ્લા ઘણા વર્ષોથી માત્ર અહીં જ આષાઢી તોલાય છે. ચંદ્રમૌલેશ્વર મહાદેવમાં પૂનમના દિવસે સાંજના સમયે જૂદા જૂદા દસ ધાન્યોને જોખી કરવામાં આવે છે. 

વજનમાં થયેલા ફેરફાર ને અષાઢી કહેવાય
આ સાથે એક કોરા કટકાની પોટલીમાં મુકી તમામ ધાન્યો એક કુંભમાં રાખીને ગર્ભગૃહમાં આવેલ એક ચમત્કારી ગોખમાં મુકી સદર ગોખને પંચો સમક્ષ શીલ કરી દેવામાં આવ્યો હતો. જે અષાઢી બીજના દિવસે પૂનઃ પંચો સમક્ષ ખોલીને તમામ ધાન્યોને પૂનઃ જોખવામાં આવ્યા હતા. ધાન્યોના વજનમાં થયેલા ફેરફાર ને અષાઢી કહેવાય છે અને તેમાં થયેલ વધઘટને આધારે ખેડૂતો અને વહેપારીઓ જેતે પાક કેવો થશે તેનું અનુમાન લગાવે છે

અષાઢી જોખવાની શું છે પરંપરા
અષાઢી જોખવા દરમિયાન જે ધાન્યમાં વધારો થયો હોય તે પાક વધારે ઉપજે છે. તેમજ જે ધાન્યમાં ઘટાડો જોવા મળ્યો હોય તે પાકનું ઉત્પાદન વર્ષ દરમિયાન ખુબ જ ઓછું થતું હોય છે. ધાન્યમાં જોવા મળતી વધ-ઘટ પરથી ખેડુતો કયા પાકની ખેતી કરવી તેનો અંદાજો લગાવે છે. ચંદ્રમૌલેશ્વર મહાદેવમાં પૂનમના દિવસે સાંજના સમયે જૂદા જૂદા ધાન્યોને જોખી એક કોરા કટકાની પોટલીમાં મુકી તમામ ધાન્યો એક કુંભમાં મુકીને મહાદેવના ગર્ભગૃહમાં આવેલ એક ચમત્કારી ગોખમાં મુકી સદર ગોખને પંચો સમક્ષ શીલ કરી દેવામાં આવ્યો છે. જે અષાઢી બીજના દિવસે પૂનઃ પંચો સમક્ષ ખોલીને તમામ ધાન્યોને પૂનઃ જોખવામાં આવ્યા હતા. ધાન્યોના વજનમાં થયેલા ફેરફારને અષાઢી કહેવાય છે અને તેમાં થયેલ વધઘટને આધારે ખેડૂતો અને વેપારીઓ જેતે પાક કેવો થશે તેનું અનુમાન લગાવે છે

આષાઢીનાં વર્તારા
આષાઢીનાં વર્તારા પ્રમાણે આવનાર વર્ષ વીસઆની રહેશે એટલે કે ખૂબ જ સારું રહેશે અને દરેક પાક ખુબજ સારો થશે. તલ, મગ અને ઘઉં વધારે હોવાથી શિયાળુ પાક ખુબજ સારો રહેશે તેમજ મગ તથા ડાંગરનું પ્રમાણ વધારે તથા બાજરી ઓછી હોવાથી તેને આધારીત વરસાદ ઉતરતા ચોમાસે સારો થશે.