ઘટાડો / સોના-ચાંદીની ખરીદી કરવી હોય તો ગોલ્ડન કાળ, આજે પણ ભાવ ગગડ્યા, જાણો લેટેસ્ટ રેટ

• આજે સોનાના ભાવમાં ઘટાડો નોંધાયો
• સોનાની તોલા દીઠ કિંમત 59,000 રૂપિયા રહી
• ચાંદી કિલો દીઠ કિંમત 71,173 રૂપિયા

છેલ્લા કેટલાય સમયથી સોનાના ભાવમાં આગ ઝરતી તેજી વચ્ચે આજે સોનાના ભાવમાં ઘટાડો નોંધાયો હતો. સોનાની તોલા દીઠ કિંમત 59,000 રૂપિયાથી સુધી રહેવા પામી હતી. તો ચાંદીની કિંમત 1 કિલો દીઠ 71 હજાર રૂપિયા રહી હતી. રાષ્ટ્રીય સ્તરે શુદ્ધ સોનું એટલે કે 24 કેરેટ સોનાના 10 ગ્રામની કિંમત કિંમત 59, 251 રૂપિયા રહી હતી. જ્યારે શુદ્ધની ચાંદી કિલો દીઠ કિંમત 71,173 રૂપિયા રહી હતી.

સોના ચાંદીના ભાવ આજે ઘટયા

ઇન્ડિયા બુલેટિન એન્ડ જ્વેલર્સ એસોસિએશનના આંકડા મુજબ શુક્રવારે સાંજે 24 કેરેટ સોનાની કિંમત 59, 751 રૂપિયા તોલા દીઠ જોવા મળી હતી. જેમાં આજે ઘટાડો નોંધાયો હતો અને આજે સવારે આ ભાવ 59251 રૂપિયા પર સ્થિર થયા હતા. બીજી બાજુ ચાંદી પણ સસ્તી થઈ હતી. પરિણામે સોના ચાંદી ખરીદવા માંગતા લોકો માટે હાલની સ્થિતિએ આ ગોલ્ડન કાળ હોય તેવું લાગી રહ્યું છે.

સોનું તોલા દીઠ 54274 રૂપિયાએ પહોચ્યું

સોના ચાંદીનાં ભાવ અંગે સત્તાવાર વેબસાઇટ ibjarates.com માં જણાવ્યા અનુસાર 995 શુદ્ધતાના 10 ગ્રામ એટલે કે એક તોલા સોનાની કિંમત 59,014 રૂપિયા સુધી સ્થિર થઈ હતી. તે જ રીતે, 916 શુદ્ધતાનું સોનું તોલા દીઠ 54274 રૂપિયાએ પહોચ્યું હતું. આ સિવાય 750 શુદ્ધતાના સોનાનો ભાવ ઘટીને 44, 438 થઈ ગયો છે અને 585 શુદ્ધતા ધરાવતું સોનું રૂ.34,662  સુધી પહોચી ગયું હતું. બીજી બાજુ આ ઉપરાંત 999 શુદ્ધતાની એક કિલો ચાંદીનો ભાવ આજે 71173 રૂપિયા નોંધાયો હતો.