IPL 2023 / 'કાર્યવાહી કાયદો તોડવા માટે થાય..' અર્શદીપ સિંહે સ્ટમ્પ તોડી તો પંજાબ કિંગ્સે કરી ફરિયાદ, મુંબઈ પોલીસે આ રીતે આપ્યો જવાબ

• અર્શદીપની શાનદાર બોલિંગે ચાહકોના દિલ જીતી લીધા હતા
• પંજાબ કિંગ્સે આ ઘટનાની ફરિયાદ રમૂજી અંદાજમાં મુંબઈ પોલીસને કરી
• તેના પર મુંબઈ પોલીસે પણ જવાબ આપ્યો છે 
• આ વિશે મુંબઈ ઈન્ડિયન્સે પણ મુંબઈ પોલીસને ટેગ કરીને ફરિયાદ નોંધાવી છે

પંજાબ કિંગ્સના બોલર અર્શદીપ સિંહે મુંબઈ ઈન્ડિયન્સ સામેની મેચની છેલ્લી ઓવરમાં સતત 2 બોલ પર 2 બેટ્સમેનને બોલ્ડ કરવામાં સફળતા મેળવી હતી અને બંને વખત સ્ટમ્પ તોડવા માટે પણ અજાયબીઓ કરી હતી. અર્શદીપની શાનદાર બોલિંગે ચાહકોના દિલ જીતી લીધા હતા અને એ જ સમયે સોશિયલ મીડિયા પર મીમ્સ બનવા લાગ્યા. આ સાથે જ હવે પંજાબ કિંગ્સે આ ઘટનાની ફરિયાદ રમૂજી અંદાજમાં મુંબઈ પોલીસને કરી છે અને ટ્વીટમાં મુંબઈ પોલીસને ટેગ કરીને લખ્યું છે, 'મુંબઈ પોલીસ, અમે ક્રાઈમ રિપોર્ટ લખવા માંગીએ છીએ..', જો કે તેના પર મુંબઈ પોલીસે પણ જવાબ આપ્યો.મુંબઈ પોલીસ વતી એક ટ્વિટ કરવામાં આવ્યું હતું અને તેના જવાબમાં લખવામાં આવ્યું હતું કે, 'કાર્યવાહી કાયદો તોડવા માટે થાય છે સ્ટમ્પ તોડવા માટે નહીં.'

Action is most likely to be taken on breaking the law, not stumps! https://t.co/bo8jgafACm

— मुंबई पोलीस - Mumbai Police (@MumbaiPolice) April 22, 2023

મુંબઈ પોલીસે આપેલા આ ફની જવાબે ચાહકોનું દિલ જીતી લીધું. તે જ સમયે, મુંબઈ ઈન્ડિયન્સે પણ મુંબઈ પોલીસને ટેગ કરીને ફરિયાદ નોંધાવી છે અને ટ્વીટમાં લખ્યું છે, 'મુંબઈ પોલીસ અમે એક ગુમ થવાની રિપોર્ટ નોંધાવવા માંગીએ છીએ, પંજાબ કિંગ્સ 15 વર્ષથી IPL ટ્રોફી શોધી રહી છે..' 

જો કે મુંબઈ ઈન્ડિયન્સનું આ ટ્વીટ ખૂબ જ વાયરલ થઈ રહ્યું છે. જણાવી દઈએ કે અર્શદીપે છેલ્લી ઓવરમાં શાદરને બોલ્ડ કરીને પંજાબ કિંગ્સને જીત અપાવી હતી. 

Hey @MumbaiPolice, would like to report a missing complaint, PBKS missing their IPL trophy since 15 years. https://t.co/Tvf56cfiJ7

— Mumbai Indians (@not_BCCI) April 22, 2023

મેચની વાત કરીએ તો પંજાબ કિંગ્સના સેમ કુરાનની અડધી સદીની ઇનિંગ અને હરપ્રીત ભાટિયાની પાંચમી વિકેટ માટે 50 બોલમાં 92 રનની ભાગીદારી વચ્ચે અર્શદીપ સિંહ એ શાનદાર બોલિંગ કરી હતી.પોતાના જ દમ પર પંજાબ કિંગ્સે શનિવારે અહીં ઈન્ડિયન પ્રીમિયર લીગ T20 મેચમાં મુંબઈ ઈન્ડિયન્સને 13 રને હરાવ્યું હતું. મુંબઈને છેલ્લી ઓવરમાં જીતવા માટે 16 રનની જરૂર હતી પરંતુ અર્શદીપ સિંહે તિલક વર્મા અને નેહલ વાઢેરાને સળંગ માત્ર બે રન આપીને બોલ્ડ કર્યા હતા. આ પહેલા તેણે ઈશાન કિશન અને સૂર્યકુમાર યાદવની વિકેટ પણ લીધી હતી.