'પધારો મારે દેશ' / સીધા સ્ટોરમાંથી ખરીદી શકાશે iPhones-iPads, કાલે મુંબઈમાં ખુલશે પહેલો એપલ સ્ટોર, ટીમ કૂક ભારત આવ્યાં

• આવતીકાલે એટલે કે 18 એપ્રિલે મુંબઈમાં ખુલશે ભારતનો પહેલો એપલ સ્ટોર
• 20 એપ્રિલે દિલ્હીમાં ખુલશે બીજો સ્ટોર 
• ઉદ્ધાટન માટે મુંબઈ પહોંચ્યાં એપલ સીઈઓ ટીમ કૂક 

ભારતનો પહેલો એપલ સ્ટોર 18 એપ્રિલ, 2023, મંગળવારે મુંબઈમાં લોન્ચ થવા જઈ રહ્યો છે. અને એપલના સીઈઓ ટિમ કુક આ લોન્ચિંગમાં ભાગ લેવા ભારત આવ્યા છે. આ પ્રવાસની સાથે જ ટીમ કુક બુધવારે દિલ્હીમાં વડાપ્રધાન નરેન્દ્ર મોદી સાથે મુલાકાત કરશે.

Hello, Mumbai! We can’t wait to welcome our customers to the new Apple BKC tomorrow. 🇮🇳 pic.twitter.com/9V5074OA8W

— Tim Cook (@tim_cook) April 17, 2023

ટીમ કૂકે ટ્વીટ કરીને આપી માહિતી 
કંપનીના સીઈઓ ટિમ કૂકે કહ્યું કે, "ભારત પાસે અત્યંત સુંદર સંસ્કૃતિ અને અતુલ્ય ઉર્જા છે. અમે તેના વ્યાપક ઇતિહાસ સાથે વધુ સારા ભવિષ્યના નિર્માણ માટે, અમારા ગ્રાહકોને ટેકો આપવા, સ્થાનિક સમુદાયોમાં રોકાણ કરવા અને માનવતાની સેવા કરતા નવીનતાઓમાં રોકાણ કરવા માટે સાથે મળીને કામ કરવા માટે ઉત્સાહિત છીએ. દિલ્હીમાં ટિમ કૂક દિલ્હીમાં વડાપ્રધાન અને ઇન્ફોર્મેશન ટેકનોલોજી મંત્રી રાજીવ ચંદ્રશેખર સાથે મુલાકાત કરશે.

Customary picture from Apple Store in India! pic.twitter.com/tzoja3dv95

— Ershad Kaleebullah (@r3dash) April 17, 2023

18 એપ્રિલે મુંબઈમાં, 20 એપ્રિલે દિલ્હીમાં ખુલશે સ્ટોર
એપલના જણાવ્યા અનુસાર 18 એપ્રિલે મુંબઈમાં અને 20 એપ્રિલે દિલ્હીમાં એપલનો સ્ટોર શરુ થશે. કંપનીએ એક નિવેદનમાં જણાવ્યું હતું કે, "એપલ ભારતમાં 25 વર્ષની ઉજવણી કરી રહ્યું છે અને આ અઠવાડિયે કંપની દેશમાં પોતાનો પ્રથમ એપલ સ્ટોર શરૂ થવાની સાથે મોટા વિસ્તરણ તરફ આગળ વધી રહી છે." ટિમ કૂકે પોતે ટ્વીટ કર્યું હતું કે તેઓ બાંદ્રા કુર્લા કોમ્પ્લેક્સમાં નવા એપલ સ્ટોર પર ગ્રાહકોને આવકારવા માટે આતુરતાથી રાહ જોઈ રહ્યા છે.