બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / ટેક અને ઓટો / 2027માં આવશે Glass iPhone! Appleના iPhone 20 Proમાં મળશે કર્વ્ડ ગ્લાસ ડિઝાઇન
5 ફોટો ગેલેરી
Last Updated: 10:34 AM, 12 August 2026
FOLLOW ON
શેર કરો
1/5
Appleનો iPhone 2027માં તેની 20મી એનિવર્સરીની ઉજવણી કરવા જઈ રહ્યો છે. કંપનીએ સૌપ્રથમ જાન્યુઆરી ૨૦૦૭માં આઈફોન લોન્ચ કર્યો હતો અને તે જ વર્ષના જૂન મહિનામાં તેનું વેચાણ શરૂ થયું હતું. આ 20મી વર્ષગાંઠને ખાસ બનાવવા માટે, એપલ તેના ડિઝાઇનમાં મોટા પાયે ફેરફાર કરવાની તૈયારી કરી રહ્યું છે. મીડિયા અહેવાલો અનુસાર, કંપની 2027માં આવનારા iPhone Pro અને iPhone Pro Max મોડલ્સ માટે નવી ગ્લાસ ડિઝાઇન રજૂ કરી શકે છે. હાલમાં આ ફોનને 'iPhone 20 સિરીઝ' તરીકે ઓળખવામાં આવી રહ્યા છે. જોકે, એપલે હજુ સુધી આ માહિતીની ઓફિશિયલી પુષ્ટિ કરી નથી.
આ તસવીર શેર કરો
2/5
Bloombergના રિપોર્ટ મુજબ, એપલ તેના 20મી એનિવર્સિટી iPhone માટે ડિઝાઇનમાં મોટો ફેરફાર કરી શકે છે. તેની સૌથી ખાસ વિશેષતા તેની ગ્લાસ ડિઝાઇન હશે; અહેવાલ સૂચવે છે કે 'iPhone Pro' અને 'iPhone Pro Max'ના આગળ અને પાછળના બંને ભાગમાં કાચનો ઉપયોગ થઈ શકે છે. ખાસ વાત એ છે કે, બંને બાજુનો કાચ કિનારીઓથી મધ્ય ફ્રેમ તરફ વળેલો હોઈ શકે છે, જેનાથી ફોનનો દેખાવ વધુ ગોળાકાર અને સુવ્યવસ્થિત બનશે.
આ તસવીર શેર કરો
3/5
જો આમ થાય, તો Apple કદાચ ફરી એકવાર તેની જૂની કર્વ્ડ ડિઝાઈન અપનાવી શકે છે. iPhone 6 થી લઈને iPhone 11 સુધીના અનેક મોડેલ્સમાં આવી જ કર્વ્ડ ડિઝાઈન જોવા મળી હતી. આગળના અને પાછળના કાચની વચ્ચે એક મેટલ ફ્રેમ મૂકી શકાય છે. આ ફ્રેમ બંને ગ્લાસ પેનલને અલગ કરશે અને ફોનને મજબૂતી પ્રદાન કરવાનું કામ પણ કરી શકે છે.
આ તસવીર શેર કરો
4/5
અહેવાલો અનુસાર, એપલની ડિઝાઈન ટીમે એક એવી ડિઝાઈન પર કામ કર્યું હતું જેમાં વધુ પ્રમાણમાં કાચનો ઉપયોગ કરવામાં આવ્યો હતો, જેથી આ મોડેલ વધુ વિશિષ્ટ અને પ્રીમિયમ લાગે. જોકે, આખરે આ ડિઝાઈન નકારી કાઢવામાં આવી હતી. તેનું મુખ્ય કારણ કાચની બે પેનલોને એકબીજા સાથે જોડવામાં આવતી મુશ્કેલી હતી. જો મોટા પાયે પ્રોડક્શનની પ્રક્રિયા ખૂબ જ જટિલ સાબિત થઈ હોય, તો ફોનનું મોટા પાયે ઉત્પાદન કરવું એક મોટો પડકાર બની ગયો. પરિણામે, એપલે વધુ વ્યવહારુ ડિઝાઈન અપનાવવાનો નિર્ણય કર્યો.
આ તસવીર શેર કરો
5/5
iPhone Proના 20મી એનિવર્સરીના મોડેલમાં ડિસ્પ્લેને લગતો એક મોટો ફેરફાર પણ જોવા મળી શકે છે. અહેવાલો અનુસાર, એપલ સ્ક્રીનના બે નવા સાઇઝ પર વિચાર કરી રહી છે. iPhone 20 Pro માં લગભગ 6.4 ઇંચની સ્ક્રીન હોઈ શકે છે, જ્યારે iPhone 20 Pro Max માં લગભગ 7 ઇંચની મોટી ડિસ્પ્લે આવી શકે છે. જો આ ફેરફાર અમલમાં આવે, તો Pro Max મોડેલ પહેલાં કરતાં પણ વધુ મોટી અને પ્રીમિયમ અનુભૂતિ પ્રદાન કરી શકે છે. જોકે, એપલે સ્ક્રીનના કદ અને નવી ડિઝાઈન અંગેની આ વિગતોમાંથી હજુ સુધી કોઈની પણ પુષ્ટિ કરી નથી. કુલ મળીને Apple આઈફોનની 20 મી એનિવર્સરીએ ખરેખર ખાસ બનાવવાની તૈયારી કરી રહ્યું છે. સંપૂર્ણપણે કાચની બનેલી નવી ડિઝાઈન, કર્વ્ડ બોડી અને મોટી ડિસ્પ્લે જેવા ફેરફારો આગામી દાયકા માટે આઈફોનની ડિઝાઈનની નવી દિશા નક્કી કરી શકે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
