VIDEO / એનિમલ પ્રત્યે લોકોનો પ્રેમ જોઈ ભાવુક થયો બોબી દેઓલ, છલકી પડ્યા આંસુ, વિડીયો થયો વાયરલ

• ફિલ્મ ‘એનિમલ’એ 130 કરોડ રૂપિયાની કમાણી કરી
• દર્શકોને દેઓલની એક્ટિંગ ખૂબ જ પસંદ આવી
• ઈવેન્ટમાં બોબી દેઓલ થયા ભાવુક, છલકી પડ્યા આંસૂ

દર્શકોને ફિલ્મ ‘એનિમલ’માં બોબી દેઓલની એક્ટિંગ ખૂબ જ પસંદ આવી રહી છે. દર્શકો બોબી દેઓલની વાહવાહી કરી રહ્યા છે. ફિલ્મ ‘એનિમલ’એ 130 કરોડ રૂપિયાની કમાણી કરી છે. એક ઈવેન્ટ દરમિયાન બોબી દેઓલ ભાવુક થઈ ગયા હતા અને રડી પડ્યા હતા. 

બોબી દેઓલનો વિડીયો
એક ઈવેન્ટ દરમિયાન બોબી દેઓલની એક્ટિંગના વખાણ કરવામાં આવી રહ્યા હતા, તે સમયે બોલીવુડ અભિનેતા બોબી દેઓલ ભાવુક થઈ ગયા હતા અને રડી પડ્યા હતા. વિડીયોમાં જોવા મલી રહ્યું છે કે, બોબી દેઓલ પોઝ આપી રહ્યા છે અને વાત કરી રહ્યા છે. ત્યારપછી બોબી દેઓલ થેન્ક યૂ કહે છે. વિડીયોમાં વધુમાં જોવા મળી રહ્યું છે કે, બોબી દેઓલ ભાવુક થઈને રડી રહ્યા છે અને કારમાં બેસીને પણ રડી રહ્યા છે. બોબીએ જણાવ્યું કે, ‘ફિલ્મને આટલી હદે પસંદ કરવામાં આવી રહી છે, જે એક સપના જેવું લાગી રહ્યું છે.’

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

ફિલ્મ ‘એનિમલ’ બોક્સઓફિસ કલેક્શન
ફિલ્મ ‘એનિમલ’એ બોક્સઓફિસ પર બીજા દિવસે પણ ધાંસૂ કમાણી કરી છે. રિપોર્ટ્સ અનુસાર ફિલ્મ ‘એનિમલ’એ પહેલા દિવસે 63.8 કરોડનું કલેક્શન કર્યું હતું અને બીજા દિવસે 66 કરોડ રૂપિયાની કમાણી કરી છે. કુલ બંને દિવસોમાં આ ફિલ્મે કુલ 129.80 કરોડ રૂપિયાની કમાણી કરી છે. ફિલ્મ ‘એનિમલ’એ હિંદી વર્ઝનમાં પહેલા દિવસે 54.75 કરોડ રૂપિયાની કમાણી કરી હતી. 

બોબી દેઓલની એક્ટિંગ પર ફિદા થયા ફેન્સ
સોશિયલ મીડિયા પર અનેક વિડીયોઝ વાયરલ થઈ રહ્યા છે. રણબીર કપૂરની ચર્ચા કરવામાં આવી રહી છે અને બીજી તરફ બોબી દેઓલના પણ ભરપૂર વખાણ કરવામાં આવી રહ્યા છે. ફિલ્મ ‘એનિમલ’માં બોબી દેઓલનો રોલ ખૂબ જ ઓછો છે, ફેન્સ જણાવી રહ્યા છે કે, બોબી દેઓલનો સ્ક્રીન ટાઈમ વધુ હોવો જોઈએ.