જનમત / આણંદ બેઠક પર ફરી મિતેષ પટેલ કે પરિવર્તનમાં અમિત ચાવડા, જાણો જ્ઞાતિનું અટપટુ ગણિત

લોકસભા ચૂંટણીનું રણશિંગુ ફૂંકાઈ ચુક્યુ છે ત્યારે મધ્ય ગુજરાતની મહત્વપૂર્ણ  બેઠક તેવી આણંદ લોકસભા બેઠક ઉપર ભાજપ અને કોંગ્રેસ બંનેએ પોતાના ઉમેદવાર જાહેર કરી દીધા છે. ભાજપે અહીં બીજી વખત મિતેષ પટેલ ઉપર ભરોસો મુક્યો છે તો કોંગ્રેસે અમીત ચાવડાને મેદાને ઉતાર્યા છે. બંને પક્ષના ઉમેદવારો ચૂંટણી પ્રચારના શ્રીગણેશ કરી ચુક્યા છે. ભાજપ પાસે આણંદના વિકાસના કાર્યોની ગણતરી છે તો કોંગ્રેસ દાવો કરે છે આણંદની વાસ્તવિક વરવી સ્થિતિનો અને એ જ સ્થિતિને બદલવા માટે કોંગ્રેસ પોતાને તક આપવાનું પણ કહે છે. 

આણંદ લોકસભા બેઠકના ઉમેદવાર 
મિતેષ પટેલ - ભાજપ
અમિત ચાવડા - કોંગ્રેસ

2019નું પરિણામ શું?
મિતેષ પટેલ -ભાજપ - જીત 
ભરતસિંહ સોલંકી - કોંગ્રેસ - પરિણામ હાર 

કોણ છે મિતેષ પટેલ?
મિતેષ પટેલે વર્ષ 2019માં આણંદ બેઠક પરથી ચૂંટાઇ આવ્યા છે.  પક્ષે બીજી વખત ટિકિટ આપી છે. ભાજપના યુવા ચહેરા તરીકેની ઓળખ છે. સંગઠન ક્ષેત્રે પણ સારી કામગીરી છે. વ્યવસાયે બિઝનેસમેન છે મિતેષ પટેલ. 

કોણ છે અમિત ચાવડા?
અમિત ચાવડા આંકલાવના ધારાસભ્ય છે.  OBC સમાજનો અગ્રણી ચહેરો છે.  સ્થાનિક સ્તરે એકંદરે સ્વીકૃત ચેહરો છે. નિર્વાદિત છબી અને મધ્ય ગુજરાતમાં પીઢ કોંગ્રેસીઓ સાથે નિકટતા છે. ઇશ્વર ચાવડાના પૌત્ર અને ભરતસિંહના પિતરાઇ ભાઇ છે. 

જ્ઞાતિનું ગણિત શું?
આણંદ લોકસભા બેઠક પર ઠાકોર,ક્ષત્રિય,પરમાર,રાઠોડનું વર્ચસ્વ છે. ઠાકોર,ક્ષત્રિય,પરમાર,રાઠોડના 49 ટકા મતદારો છે. પાટીદારોનું વર્ચસ્વ 24 ટકા મતદારો સાથે બીજા ક્રમાંકે છે.  લઘુમતિ સમાજ 21 ટકા તેમજ દલિત અને અન્યના 6 ટકા મતદારો છે. 

વાંચવા જેવું: છોટાઉદેપુરમાં ભાજપ થશે રિપીટ કે કોંગ્રેસ ગઢ પરત છીનવશે? જ્ઞાતિ સમીકરણે બાજી ફેરવી

આણંદ લોકસભામાં વિધાનસભા બેઠકો કેટલી?
ખંભાત 
બોરસદ 
આંકલાવ
ઉમરેઠ
આણંદ
પેટલાદ 
સોજીત્રા 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો