ચેકીંગ / દિવાળીમાં અમદાવાદીઓને નકલી મીઠાઈઓથી બચાવવા AMC એક્ટિવ, દુકાનોમાં માવાની મીઠાઈઓનું ચેકિંગ

• તહેવાર ટાણે આરોગ્ય વિભાગ સતર્ક
• ફરસાણ અને મીઠાઇની દુકાનમાંથી લીધા નમૂના
• દુકાનમાંથી નમૂના લઇ FSL લેબમાં મોકલ્યા

 દિવાળી નજીક આવતા સેમ્પલ લેવાની કામગીરી
AMC  દ્વારા ફરસાણ અને મીઠાઈની દુકાનોમાંથી સેમ્પલ લઈ તપાસ અર્થે મોકલ્યા છે. ત્યારે દિવાળી નજીક આવતા સેમ્પલ લેવાની કામગીરી શરૂ કરી હતી. નેહરૂનગર પાસે બિકાનેર મીઠાઈને ત્યાં AMC દ્વારા ચેકિંગ હાથ ધર્યું હતું. તેમજ મીઠાઈમાં વપરાયેલા માવાની ચકાસણી કરી હતી. અને ફરસાણમાં વપરાયેલા તેલની પણ ચકાસણી કરી હતી.  

ફૂડ વિભાગની અચાનક તપાસથી વેપારીમાં ફફડાટ
દિવાળીનાં તહેવારને લઈ ફ્રૂડ એન્ડ ડ્રગ્સ વિભાગે મીઠાઈ તેમજ ફરસાણમાં વેપારીઓને ત્યાં તપાસ હાથ ધરી છે. બનાસકાંઠાનાં ડીસામાં માવા અને ફરસાણની દુકાનમાં તપાસ હાથ ધરવામાં આવી હતી. જેમાં બે દુકાનોમાંથી 80 કિલો શંકાસ્પદ માવાનાં સેમ્પલ લેવાયા હતા. જ્યારે એક દુકાનમાંથી 32 કિલો શંકાસ્પદ ફરસાણનાં સેમ્પલ લેવાયા હતા. ત્યારે ફ્રૂડ વિભાગ દ્વારા આકસ્મિક ચેકીંગ હાથ ધરતા વેપારીઓમાં ફફડાટ વ્યાપી ગયો હતો.