નવી ઇનિંગ્સ / આ સ્ટાર ક્રિકેટર હવે રાજનીતિની પિચ પર કરશે બેટિંગ, પકડી જાણીતી પાર્ટી, મુખ્યમંત્રીએ પહેરાવ્યો ખેસ

• અંબાતી રાયડુ હવે રાજનીતિની પિચ પર પોતાના કિસ્મત અજમાવશે
• મુખ્યમંત્રી જગત રેડીની હાજરીમાં વાયએસઆર કોંગ્રેસ પાર્ટીમાં જોડાયા

ભારતીય ટીમના પૂર્વ સ્ટાર ક્રિકેટર અંબાતી રાયડુ હવે રાજનીતિની પિચ પર પોતાના કિસ્મત અજમાવશે. આજે તેઓએ રાજનીતિની પીચ પર વિધિવત કદમ માંડી દીધા છે. તેઓ મુખ્યમંત્રી જગત રેડીની હાજરીમાં વાયએસઆર કોંગ્રેસ પાર્ટીમાં જોડાયા છે. નોંધનીય છે કે 37 વર્ષીય રાયડુએ IPL 2023 માં જીત બાદ ક્રિકેટના તમામ ફોર્મેટમાંથી નિવૃત્તિની જાહેરાત કરી દીધી હતી. રાયડુ IPL માં ગત વર્ષે મહેન્દ્રસિંહ ધોનીની નેતૃત્વ વાળી ચેન્નાઈ સુપર કિંગમાંથી રમ્યા હતા અને તેમણે જીત બાદ રિટાયરમેન્ટની જાહેરાત કરી હતી. જેને હવે રાજકારણમાં ડગ માંડ્યા છે.

Ambati Raidu Into YSRCP 🔥⚡#YSJagan #AmbatiRayudu pic.twitter.com/eK8ymut4ai

— Satish Reddy (@ReddySatish4512) December 28, 2023

રાયડુ લોકસભા ચૂંટણી લડે છે
નોંધનિય છે કે આ વર્ષે જૂનમાં રાયડુએ આંધ્ર પ્રદેશના સીએમ જગન મોહન રેડ્ડી સાથે મુલાકાત કરી હતી. આ જેઓ YSRCPના વડા છે. આજે રાયડુએ વિધિવત પાર્ટી જોઈન કરી છે પરંતુ હજુ સુધી તેને લોકસભા ચૂંટણી માટે ક્યાંથી ટિકિટ મળશે. કે કેમ? તે અંગે કોઈ ફોડ પાડવામાં આવ્યો નથી. બીજી બાજુ એવી શક્યતા સેવાઇ રહી છે કે જો રાયડુ લોકસભા ચૂંટણી લડે છે તો તેને માછલીપટ્ટનમથી મેદાનમાં ઉતારવામાં આવી શકે છે. 

આઈપીએલમાં 203 મેચ રમી

ક્રિકેટ કરિયરની વાત કરવામાં આવે તો રાયડુએ ટીમ ઇન્ડિયામાંથી ભારત માટે 55 વનડેમાં 47.05ની એવરેજથી કુલ 1,694 રન બનાવ્યા છે. વધુમાં એક મેચમાં અણનમ 124 રનએ તેમનો સર્વશ્રેષ્ઠ સ્કોર છે.. તેણે 3 સદી અને 10 અડધી સદી પણ ફટકારી હતી. રાયડુ 6 ટી20 મેચ પણ રમ્યો હતો. જેમાં તેણે 10.50ની એવરેજથી માત્ર 42 રન જ બનાવ્યા હતા. બીજી બાજુ આઈપીએલમાં પણ રાયડું એ પોતાની અલગ જ ઓળખ ઉભી કરી છે. તેણે આઈપીએલમાં 203 મેચ રમી, જેમાં તેણે 4348 રન બનાવ્યા છે.