ફિટ ઈન્ડિયા / દરરોજ 4થી 5 કિમી ચાલવા સહિત શરીર માટે આ વસ્તુઓની ટેવ પાડો, અમરનાથ યાત્રાએ જનારા શ્રદ્ધાળુઓ માટે એડવાઇઝરી જાહેર

• અમરનાથની યાત્રા 1 જૂલાઈથી શરૂ 
• અમરનાથ શ્રાઈન બોર્ડે એડવાઈઝરી જાહેર કરી
• શ્રદ્ધાળુઓને યાત્રા પહેલાં શું કરવું જોઈએ તે અંગે આપ્યું સૂચન

Amarnath Yatra 2023: હિંદૂ ધર્મમાં અમરનાથની યાત્રાનું અનેરું મહત્વ છે. કહેવામાં આવે છે કે જે પણ વ્યક્તિ અમરનાથમાં બરફનાં શિવલિંગનાં રૂપમાં વિરાજમાન ભગવાન શિવનાં દર્શન કરી લે છે તેને મોક્ષની પ્રાપ્તિ થાય છે. આ વર્ષે અમરનાથની યાત્રા 1 જૂલાઈથી શરૂ થવાની છે. હાલમાં અમરનાથ શ્રાઈન બોર્ડે એડવાઈઝરી જાહેર કરી છે જેથી શ્રદ્ધાળુઓને યાત્રા દરમિયાન મુશ્કેલીઓનો સામનો ન કરવો પડે.

યાત્રા પહેલા દરરોજ 4-5 કિલોમીટર વોક કરવું
વધુ ઊંચાઈવાળા સ્થળો પર લોકોને સ્વાસ્થ્ય સંબંધિત મુશ્કેલીઓનો સામનો ન કરવો પડે તે માટે શું-શું કરવું જોઈએ તે બાબતોનું વર્ણન એડવાઈઝરીમાં કરવામાં આવ્યું છે. તેમાં કહેવામાં આવ્યું છે કે શ્રદ્ધાળુઓને યાત્રા પર આવવાથી પહેલાં શારીરિક રીતે ફિટ રહેવું જરૂરી છે. આ માટે તાત્કાલિક તૈયારી કરવાની શરૂ કરી દો. યાત્રાનાં એક મહિના પહેલાથી મોર્નિંગ અને ઈવનિંગ વોક શરૂ કરી દો. આ દરમિયાન દરરોજ 4-5 કિલોમીટર પગે ચાલવું.

યાત્રા પહેલા શરૂ કરો કસરત
આ સિવાય શરીરમાં ઓક્સિનજનની યોગ્ય માત્રા જળવાય તે માટે કસરત કરવું જરૂરી છે. યાત્રાથી પહેલા પ્રાણાયમ અને શ્વાસની કેટલીક એક્સરસાઈઝ કરવી. જો તમને પહેલાથી જ સ્વાસ્થ્ય સંબંધિત તકલીફો છે તો યાત્રા પર જવાથી પહેલા ડોક્ટરો પાસે ચેકઅપ કરાવવું જરૂરી છે. યાત્રા દરમિયાન ચઢાણ ચડતી વખતે ધીમે ચાલવું. 

#AmarnathHelicopterBooking 2023 Started. Book your Helicopter tickets only from J &K Govt. Beware of frauds!https://t.co/WJV2sr9v7o pic.twitter.com/PsDfe1f0AP

— amarnath yatra (@amarnathjiyatra) June 16, 2023

આ વર્ષે 1 જૂલાઈથી અમરનાથની યાત્રા શરૂ થશે જે 31 ઑગસ્ટ સુધી ચાલશે. માન્યતા છે કે ભગવાન શિવે બાબા બર્ફાનીની આ ગુફામાં જ માતા પાર્વતીને તેમના અમૃત્વનું રહસ્ય જણાવ્યું હતું. અમરનાથની યાત્રાને સૌથી અઘરી યાત્રાઓમાંની એક માનવામાં આવે છે.