સિદ્ધિ / પહેલીવાર મહિલાના હાથોમાં ભારતની સૌથી મોટી ઉર્જા કંપનીની કમાન, અલ્કા મિત્તલ બન્યા ONGCના CMD

સુભાષ કુમારનું સ્થાન લેશે અલકા મિત્તલ
અલકા મિત્તલ છે ONGCના સૌથી વરિષ્ઠ ડિરેક્ટર 
ONGC ભારતની સૌથી મોટી ઉર્જા કંપની

મિત્તલ ONGCના સૌથી વરિષ્ઠ ડિરેક્ટર છે અને હવે તેમને ચેરમેન અને મેનેજિંગ ડિરેક્ટર (CMD)નો વધારાનો હવાલો આપવામાં આવ્યો છે.

સુભાષ કુમારનું સ્થાન લેશે અલકા મિત્તલ
સુભાષ કુમાર 31 ડિસેમ્બર, 2021 ના ​​રોજ નિવૃત્ત થયા છે, તેમની જગ્યાએ CMD તરીકે અલકા મિત્તલ આવ્યા છે. સુભાષ કુમાર ONGCના ડિરેક્ટર ફાયનાન્સ હતા. ગયા વર્ષે એપ્રિલમાં તેમને  CMDનું પદ આપવામાં આવ્યું હતું. ONGCએ ગયા વર્ષે ફેબ્રુઆરીથી ફુલ ટાઈમ ચેરમેનની નિમણૂક કરી નથી.

#ONGC Director (HR) Dr @AlkaMit26713758 has been entrusted with additional charge of ONGC CMD, making her the first woman to head the #Energy major . @CMD_ONGC @PetroleumMin @HardeepSPuri @Rameswar_Teli pic.twitter.com/3yCJvkT2dT

— Oil and Natural Gas Corporation Limited (ONGC) (@ONGC_) January 3, 2022

ONGC ભારતની સૌથી મોટી ઉર્જા કંપની
ONGC ભારતમાં ક્રૂડ ઓઈલ અને ગેસના ઉત્પાદનમાં 71% ફાળો આપે છે. ONGC 20 દેશોમાં 41 પ્રોજેક્ટ ધરાવે છે, અઝરબૈજાન, બાંગ્લાદેશ, બ્રાઝિલ, કોલંબિયા, ઈરાક, ઈઝરાયેલ, ઈરાન, કઝાકિસ્તાન, લિબિયા, મોઝામ્બિક, મ્યાનમાર, નામીબિયા, રશિયા, દક્ષિણ સુદાન, સુદાન, સીરિયા, સંયુક્ત આરબ અમીરાત, વેનેઝુએલા, વિયેતનામ અને ન્યુઝીલેન્ડમાં  41 પ્રોજેક્ટમાં ભાગ લીધો છે. ONGCની સ્થાપના 1993માં થઈ હતી.