- અક્ષય કુમારની ફિલ્મ ‘મિશન રાનીગંજ’ રિલીઝ
- અક્ષય કુમારે પોતાની બે ફિલ્મો બાબતે આપ્યું નિવેદન
- ‘કોઈના બાપમાં તાકાત નહોતી કે...’
અક્ષય કુમારની ફિલ્મ ‘મિશન રાનીગંજ’ રિલીઝ થઈ છે. અક્ષય કુમારને હજુ પણ ફિલ્મ ‘OMG 2’ બાબતે સવાલ પૂછવામાં આવી રહ્યા છે. આ ફિલ્મ 8 ઓક્ટોબરના રોજ નેટફ્લિક્સ પર રિલીઝ થઈ છે. મીડિયા રિપોર્ટ અનુસાર અક્ષય કુમારે જણાવ્યું છે કે, ‘તેઓ જે પ્રકારના વિષય પર બનેલ ફિલ્મોમાં કામ કરે છે, તે પ્રકારે ઈન્ડસ્ટ્રીમાં કોઈ કામ કરતું નથી. કોઈના બાપમાં તાકાત નહોતી કે, સેનેટરી પેડ પર ફિલ્મ બનાવે, પરંતુ તેમણે ફિલ્મ ‘પેડમેન’ બનાવી.’
અક્ષય કુમારે ફિલ્મ ‘OMG 2’ બાબતે જણાવ્યું છે કે, ‘OMG 2’ એક એડલ્ટ ફિલ્મ હતી. શું તમને એવું લાગી રહ્યું છે કે, તે એક એડલ્ટ ફિલ્મ છે? તે એક એવી ફિલ્મ હતી, જે નવયુવાઓને દર્શાવવી જોઈએ. મેં તેમના માટે જ આ ફિલ્મ બનાવી હતી. આ ફિલ્મ નેટફ્લિક્સ પર રિલીઝ કરવામાં આવી રહી છે. લોકોને તેના વિશે જાણ હોવી જોઈએ.
અક્ષય કુમારે ફિલ્મ ‘ટોયલેટ એક પ્રેમ કથા’ બાબતે જણાવ્યું છે કે, ‘લોકોએ મને આ ફિલ્મ બાબતે કહ્યું હતું કે, આ તો કંઈ ટાઈટલ છે? તમે પાગલ છે? તમે ટોયલેટ પર ફિલ્મ બનાવી રહ્યા છો. મેં કોઈનું સાંભળ્યું નહોતું. હું આગળ વધ્યો અને આ ફિલ્મ બનાવી. મારી ફિલ્મો કેવો બિઝનેસ કરશે, તે વિશે વિચારવા માટે મજબૂર કરીને મને નિરાશ ના કરશો. આવા વિષય પર ફિલ્મ એટલા માટે બનાવવામાં આવે છે, જેથી દર્શકોને તેમની મુશ્કેલી વિશે જાણી શકે. આપણા સમાજને બદલવાનો સમય આવી ગયો છે.’
અક્ષય કુમારે ફિલ્મ ‘પેડમેન’ બાબતે જણાવ્યું છે કે, ‘મેં સેનેટરી પેડ ઉપર ફિલ્મ બનાવી. કોઈના બાપમાં તાકાત નહોતી કે, સેનેટરી પેડ પર ફિલ્મ બનાલવે. કોઈ પેડને હાથ પણ નથી લગાવતું. હું તે વ્યક્તિનું નામ નહીં લઉં, પરંતુ હું કોઈની સાથે ઊબો હતો. અમારા હાથમાં પેડ હતા. તે વ્યક્તિના હાથમાં પણ પેડ આપ્યું. તેમના PA એ મારા કાનમાં કહ્યું કે, આ હાથમાં ના આપશો, સારું ના લાગે.’
અક્ષય કુમારે ફિલ્મ ‘મિશન રાનીગંજ’ વિશે વાત કરતા જણાવ્યું હતું કે, ‘મિશન રાનીગંજ’ કમર્શિયલ ફિલ્મ નથી, તેઓ આ પ્રકારની ફિલ્મ કરવાનું બંધ કરી દશે. ‘મિશન રાનીગંજ’એ પહેલા દિવસે સમગ્ર દેશમાં 2.85 કરોડની કમાણી કરી છે. જે ખૂબ જ નબળી ઓપનિંગ છે.
