આક્ષેપ / લુખ્ખાઓને નથી પોલીસનો ડર! 'ડોન છીએ..' કહીને આખી સોસાયટી માથે લીધી, જુઓ CCTV વીડિયો

અમદાવાદનાં રાણીપમાં અસામાજિક તત્વોની હેરાનગતિ સામે આવી છે. રત્નદીપ સોસાયટીમાં ગાળાગાળી કરી સોસાયટી આખી માથે લીધી હતી. અસામાજીક તત્વો દ્વારા બબાલ કરતાં સીસીટીવી સામે આવ્યા હતા. જેમાં આરોપીઓ દ્વારા પોતાને રાણીપનાં ડોન છીએ તેવો બફાટ કરતાં જોવા મળ્યા હતા. ત્યારે રહીશો દ્વારા આ બાબતે પોલીસને જાણ કરતા પોલીસ પણ જાણે અસામાજીક તત્વો આગળ લાચાર હોય તેમ રહીશોનું માનવું છે.

પોલીસ પર પણ સ્થાનિકોના ગંભીર આક્ષેપ

અમદાવાદનાં રાણીપમાં રત્નદીપ સોસાયટીમાં અસામાજીક તત્વો દ્વારા સોસાયટીમાં બબાલ કરી હતી. આ સમગ્ર મામલે રહીશો દ્વારા પોલીસને જાણ કરી હતી પરંતું પોલીસ આવી ન હોવાનું સૂત્રો દ્વારા જાણવા મળ્યું હતું. જે બાદ રહીશો દ્વારા પોલીસ પર પણ ગંભીર આક્ષેપ કર્યા હતા. તેમજ સ્થાનિકો દ્વારા પોલીસ પર આક્ષેપ કરતા જણાવ્યું હતું કે પોલીસ દ્વારા અસામાજિક તત્વો સામે ફરિયાદ નોંધતી નથી.

વધુ વાંચોઃ અમદાવાદીઓ માટે ખુશખબર! ભારત-ઇંગ્લેન્ડ વનડે મેચને લઈ મેટ્રો ટ્રેનનો ટાઈમ વધારાયો

સળગતા સવાલ

• પોલીસ કેમ આવા લુખ્ખા તત્વોને છાવરી રહ્યું છે?
• સ્થાનિકોની હેરાનગતિ કેમ નથી દેખાતી પોલીસને?
• પોતાને "ડોન" સમજીને રોફ જમાવતા લોકો પર ક્યારે થશે કાર્યવાહી?
• આવા તત્વોને આવી રીતે તોફાન મચાવતા પહેલા નથી લાગતો ડર?
• પોલીસથી નથી ડરતા આવા લુખ્ખા તત્વો?

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ