ક્રાઈમ / અમદાવાદના મનપસંદ જીમખાના ક્લબમાં 'D કંપની' સ્ટાઇલથી જુગાર રમાડાતો, સમગ્ર ખેલ ગુપ્ત રાખવા ખાસ કોડવર્ડનો ઉપયોગ થતો

'જીમની આડમાં જુગાર' કેસમાં એક ચોંકાવનારો ઘટસ્ફોટ સામે આવ્યો છે. અમદાવાદના મનપસંદ જીમખાના ક્લબમાં 'D કંપની' સ્ટાઇલથી જુગાર રમાડાતો હતો. આ સ્ટાઈલમાં ક્લબની મેમ્બરશીપથી લઈને હાર-જીતના નાણાંની લેવડદેવડ માટે આંગડિયા પેઢીનો ઉપયોગ કરવામાં આવતો હતો અને સમગ્ર ખેલ ગુપ્ત રાખવા માટે ખાસ કોડવર્ડનો ઉપયોગ થતો હતો.

કેવી રીતે જુગાર રમાડાતો

જુગાર રમવા માટે જે ગ્રાહકો આવતા હતા તેમની પાસેથી ડિપોઝિટ અને તેમના રૂપિયા લઈને જીમખાનાની બહાર કોઈ જગ્યાએ મુકાવી દેવામાં આવતાં હતા ત્યાર બાદ ગ્રાહકોને પૈસાની ચિઠ્ઠી દેવાતી ત્યાર બાદ રોકડ રકમ વિના જ જુગાર રમવા માટે ક્લબમાં મોકલવામાં આવતા હતા. હારજીત થયા બાદ ટેબલ ઉપર ગોઠવેલો માણસ જે રકમ કોડવર્ડમાં લખી આપે તેની ઉપર બે ઝીરો લગાવીને હાર જીતની રકમની લેવડદેવડ કરવામાં આવતી હતી.

30 હજારમાં ટેબલ ભાડે આપીને જુગાર રમાડતાં

જીમખાનામાં મનોરંજનની આડમાં જુગાર રમાડવા માટે સંચાલકો ટેબલદીઠ 15થી 30 હજારનું ભાડું વસૂલતા હતા. જિમમાં કુલ 22 ટેબલો રાખવામાં આવ્યાં હતા અને આ રીતે આખું જુગારધામ ચાલતું હતું પરંતુ હવે તેનો પર્દાફાશ થઈ ચૂક્યો છે.

આરોપીઓને 5 બસમાં ભરીને કોર્ટમાં રજૂ કરાયા

187 આરોપીઓને એએમટીએસની 5 બસો ભરીને કોર્ટમાં રજૂ કરાયા હતા જેમાં મુખ્ય સંચાલક પણ સામેલ છે.

વધુ વાંચો : મેઘરાજા રિસાયા! ગુજરાતમાં આ ઠેકાણે 25 દિવસથી વરસાદ જ નહીં, પાક સુકાવા લાગતાં ખેડૂતોમાં ચિંતા

શું હતો બનાવ

ઉલ્લેખનીય છે કે ગાંધીનગર સ્ટેટ મોનિટરિંગ સેલની ટીમે અમદાવાદના દરિયાપુર સ્થિત મનપસંદ જીમખાના ક્લબમાં દરોડો પાડી જુગારધામ ચલાવતા મુખ્ય સંચાલકો સહિત 187 જુગારીઓની ધરપકડ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ