ટિપ્સ / મોંઘા પ્રોડક્ટ્સથી નહીં, આ દેશી વસ્તુઓથી સફેદ વાળને બનાવો નેચરલી કાળા

• સફેદ વાળ થશે નેચરલી કાળા
• ઘરેલૂ ઉપાયોથી વાળ થશે હેલ્ધી
• આમળા અને ડુંગળી વાળ માટે બેસ્ટ

આમળા અને જાસૂદ

જો તમારા વાળ નાની ઉંમરમાં જ સફેદ થવા લાગ્યા હોય તો તમારે આમળા અને જાસૂદના ફૂલનો ઉપયોગ કરવો જોઈએ. તેના માટે 1 આમળાનો જ્યૂસ, 2-3 જાસૂદના ફૂલની પેસ્ટ અથવા જાસૂદના ફૂલને સૂકવી તેનો 1 ચમચી પાઉડર પણ લઈ શકો છો. તેમાં નારિયેળ તેલના થોડાં ટીપાં નાખી મિક્સ કરી સ્કેલ્પમાં લગાવી મસાજ કરો અને 1 કલાક પછી વાળ ધોઈ લો. 

ડુંગળી

ડુંગળી વાળ માટે અત્યંત ફાયદાકારક છે. 1 ડુંગળીના કટકાં કરી તેને મિક્સરમાં પીસી લો. પછી તેનો રસ નિચોવીને સ્કેલ્પમાં લગાવી હળવા હાથે મસાજ કરો. સપ્તાહમાં બેવાર આવું કરવાથી ઝડપથી ફાયદો થશે. 

મેંદી અને મેથી

મેંદી અને મેથી પાઉડરને સમાન માત્રામાં લઈને પેસ્ટ બનાવી લો. પછી તેમાં થોડી છાશ અને નારિયેળ તેલ મિક્સ કરી લો. આ મિશ્રણથી સ્કેલ્પમાં મસાજ કરવાથી વાળ નેચરલી કાળા થવા લાગશે. 

નારિયેળ તેલ

વાળમાં નિયમિત તેલ લગાવવું ખૂબ જ જરૂરી છે. નારિયેળ તેલ અને બદામનું તેલ મિક્સ કરી વાળમાં લગાવવાથી વાળ સફેદ થતાં અટકે અને નેચરલી કાળા પણ થાય છે. 

ઓમેગા-3 ફેટી એસિડ

વાળને સ્વસ્થ અને કાળા રાખવા માટે શરીરમાં ગુડ ફેટ હોવા ખૂબ જ જરૂરી છે. જેમાં ઓમેગા-3 ફેટી એસિડ ડાયટમાં અવશ્ય સામેલ કરવું. તેના માટે એવાકાડો, સીતાફળ અને અખરોટમાં પણ ઓમેગા-3 ફેટી એસિડ ભરપૂર પ્રમાણમાં હોય છે. સાથે જ ઓમેગા-3 ફેટી એસિડ રિચ ઓઈલથી વાળમાં મસાજ પણ કરી શકો છો.