મહેસાણા / અર્બન બેંક ડિરેક્ટર આપઘાત : મોઢેરા પોલીસ સ્ટેશનના PSI અને ASI સસ્પેન્ડ, સ્યુસાઈડ નોટમાં ગંભીર આરોપ

• કિરીટ પટેલ આપઘાત કેસમાં કાર્યવાહી
• PSI અને ASIને સસ્પેન્ડ કરાયા
• મહેસાણા અર્બન બેંકના હતા ડિરેક્ટર

મહેસાણા અર્બન બેંકનાં ડિરેક્ટર કિરીટ પટેલ આપઘાતના હાઈપ્રોફાઈલ કેસમાં રેન્જ આઈજીએ મોટી કાર્યવાહી કરી છે. અત્રે તમને જણાવીએ કે, મોઢેરા પોલીસ સ્ટેશનના PSI અને ASI સસ્પેન્ડ કરવામાં આવ્યા છે.

મહેસાણા અર્બન બેંકના ડિરેક્ટરના આપઘાત મુદ્દે કાર્યવાહી, મોઢેરા પોલીસ સ્ટેશનના PSI એસ.જે.રાઠોડ અને SOGના ASI પારખાન ઠાકોરને કર્યા સસ્પેન્ડ, ફરજમાં બેદરકારી બદલ રેન્જ IGએ કરી કાર્યવાહી #gujarat #mehsana #vtvgujarati pic.twitter.com/FhLCamG6UA

— VTV Gujarati News and Beyond (@VtvGujarati) July 16, 2023

ફરજમાં બેદરકારી બદલ કાર્યવાહી
આ કેસમાં સ્યુસાઈડ નોટમાં પોલીસ સામે બેદરકારીનો આક્ષેપ કર્યો હતો તેમજ ફરજમાં બેદરકારી બદલ રેન્જ IGએ દાખલારૂપ કાર્યવાહી કરી છે. PSI એસ.જે.રાઠોડ અને SOGના ASI પારખાન ઠાકોરને સસ્પેન્ડ કરાયા છે. પાપ્ત વિગતો મુજબ આપઘાત કરનાર કિરીટ પટેલે 15 વખત અરજી આપી હતી અને વારંવાર અરજી આપવા છતા કાર્યવાહી ન કરાઈ હતી. 

2.4 કરોડની ઠગાઈ આરોપ
આ કેસની તપાસ સાબરકાંઠા Dysp પાયલ સોમેશ્વરને સોંપાઈ હતી. સાબરકાંઠા પોલીસ સાથે 3 રાજ્યની પોલીસ પણ તપાસ કરી રહી છે તેમજ કિરીટ પટેલ સાથે છેંતરપિંડી કેસમાં મહેસાણા પોલીસે ઢીલીનીતિ દાખવી હતી. આપને જણાવીએ કે, કિરીટ પટેલ સ્યુસાઈડ નોટમાં ઢીલી તપાસનો આરોપ લગાવ્યો હતો. કિરીટ પટેલને બેચરાજીની ટિકિટ આપવાનાં બહાને 5 લોકોએ ઠગાઈ કરી હતી તેમજ વિધાનસભાની ટિકિટ આપવાનાં બહાને 2.4 કરોડની ઠગાઈ કરીનો પણ આરોપ છે.

'તેમની વાત સાંભળી નહી'
મૃતક કિરીટ પટેલના બહેન પ્રવિણાબેને અગાઉ જણાવ્યું હતું કે, તેઓ ખૂબ જ સરળ પ્રભાવનાં અને ખૂબ જ મજબૂત હતા તેમજ રાજકારમાં પણ તેઓ ખૂબ જ સક્રિય હતા. વધુમાં જણાવ્યું હતું કે, એમનું મોઢેરા પોલીસે ન સાંભળ્યું અને તેઓ મહેસાણા પોલીસ સ્ટેશન અને બધે ધક્કા ખાતા હતા પરંતું કોઈએ તેમની વાત સાંભળી નહી એટલે તેમણે આ પગલું ભર્યું.