ખાખી કે ખેપિયો ? / વલસાડ: મોટી કમાણીથી લલચાઇ પત્નીને સાથે રાખી કોન્સ્ટેબલ જ બની ગયો બુટલેગર, 3 લાખના મુદ્દામાલ સાથે સકંજામાં

• વલસાડમાં દારૂની હેરાફેરી કરતો પોલીસ કોન્સ્ટેબલ સકંજામાં 
• હિતેશ ચૌહાણ પત્નીને સાથે રાખી કરતો દારૂની હેરાફેરી
• વધુ રૂપિયા કમાવવાની લાલચે બની ગયો બુટલેગર 

રાજ્યમાં ફરી એકવાર ખાખીને કલંકીત કરતો કિસ્સો સામે આવ્યો છે. વલસાડમાં દારૂની હેરાફેરી કરતો પોલીસ કોન્સ્ટેબલ ઝડપાયો છે. આરોપી પોલીસ કોન્સ્ટેબલ હિતેશ ચૌહાણ તેની પત્નીને સાથે રાખી દારૂની હેરાફેરી કરતો હતો. જે સમગ્ર ઘટના પ્રકાશમાં આવતા વલસાડના પારડી પોલીસે કાર્યવાહી હાથ ધરી છે

કોન્સ્ટેબલ દારૂની હેરાફેરીમાં ઝડપાયો
સુરતના વાવ SRP કેમ્પનો પોલીસ કોન્સ્ટેબલ દારૂની હેરાફેરીમાં ઝડપાયો છે. આરોપી હિતેશ ચૌહાણ પત્નીને સાથે રાખી દારૂની હેરાફેરી કરતો હતો. દારૂ અને કાર સહિત 3 લાખથી વધુના મુદ્દામાલ સાથે પારડી પોલીસે આરોપીને ઝડપ્યો છે. દારૂના ધંધામાં મોટી કમાણીથી લલચાઇ કોન્સ્ટેબલે બુટલેગર બની ગયો હતો. 

ખાખીધારી ખેપ મારતો
ખાખીધારી દારૂની ખેપ મારતો ઝડપાયો છે. કહેવાય છે કે રક્ષક જ ભક્ષક બને તો શું. એવા જ હાલ વલસાડના પારડીમાં થયા છે. જ્યા પોલીસ કોન્સ્ટેબલ જ બુટલેગર બની ગયો અને પત્ની સાથે દારૂનો ધંધો શરૂ કરી દીધો હતો. જો કે, આ મુદ્દે કડક કાર્યવાહી થાય છે કે કેમ તે તો આવનાર સમય જ બતાવશે.