વિવાદ / ભારે કરી! છેલ્લાં બે મહિનાથી આ સ્કૂલમાં શિક્ષકો ન આવતા અભ્યાસ ખોરંભે! વિદ્યાર્થીઓ નાપાસ થશે તો જવાબદાર કોણ?

• ગોધરાના નદીસર ગામે શાળામાં હોબાળો 
• વિદ્યાર્થીઓ અને વાલીઓએ DEOનો કર્યો ઘેરાવો
• શિક્ષક ભણાવતા નહિ હોવાની રજૂઆત મામલે હોબાળો 

પંચમહાલના ગોધરાના નદીસર ગામે શાળામાં હોબાળાની ઘટના સામે આવી છે. નદીસરની શ્રી મહાજન ઇંગ્લીશ સ્કૂલમાં હોબાળો થયો છે. વિદ્યાર્થીઓ અને વાલીઓએ DEOનો ઘેરાવો કર્યો છે. શિક્ષક ભણાવતા નહીં હોવાની રજૂઆત સાથે હોબાળો થયો છે.

ધોરણ 10ના વિદ્યાર્થીઓની વ્યથા
પંચમહાલના ગોધરાના નદીસર ગામે શ્રી મહાજન ઈંગ્લીશ સ્કૂલમાં હોબાળો થયો છે. વિદ્યાર્થીઓ અને વાલીઓએ DEOનો ઘેરાવો કર્યો છે અને શિક્ષક ભણાવતા ન હોવાના આક્ષેપ સાથે રજૂઆત પણ કરી છે. શાળામાં તપાસમાં આવેલા અધિકારીનો વિદ્યાર્થીઓએ ઘેરાવો કર્યો છે. અધિકારીની ગાડીને ગેટથી શાળામાં પરત જવા મજબૂર કર્યા હતાં.

શિક્ષક ભણાવતા ન હોવાનો આરોપ
વિદ્યાર્થીઓએ શાળાની તાળાબંધી કરી શિક્ષણાધિકારીને કેદ કર્યા હતા. ધોરણ 10ના વિદ્યાર્થીઓએ પુરવણીમાં પોતાની વેદના ઠાલવી હતી. જેમાં શાળામાં શિક્ષક ન આવતા હોવાનો વિદ્યાર્થીઓએ આરોપ લગાવ્યો હતો. વિદ્યાર્થી વેદના ઠાલવી છ કે, જીગર ચૌધરી નામના શિક્ષક બે મહિનાથી સ્કૂલમાં આવતા નથી અને ગણિત-વિજ્ઞાનના શિક્ષક આવતા ન હોવાથી અભ્યાસ બગડી રહ્યો છે તેમણે આરોપ લગાવ્યો છે કે, છેલ્લા બે મહિનાથી શિક્ષકો આવતા નથી.

'પરિણામ નબળું આવશે તો જવાબદારી શિક્ષકોની રહેશ'
વિદ્યાર્થી ઉલ્લેખ્યો છે કે, વિદ્યાર્થીઓ નાપાસ થશે તો શિક્ષકોની જવાબદારી રહેશે તેમણે લખ્યું છે કે, બોર્ડની પરીક્ષામાં પરિણામ નબળું આવશે તો જવાબદારી શિક્ષકોની રહેશે. શાળાના આચાર્ય પણ ગંભીરતા ન લેતા હોવાનો ઉલ્લેખ કર્યો છે. શિક્ષણનો આંતરિક મુદ્દો વિદ્યાર્થીઓના માધ્યમથી જાહેરમાં આવ્યો હતો.