અમદાવાદ / બાપુનગરમાં ખૂની ખેલ: બોલાચાલીમાં લાફો માર્યો તો પતાવી દીધો.! પિતા-પુત્રોએ પેન્ટના ખિસ્સામાંથી છરી કાઢી હુલાવી દીધી, 3 ઝબ્બે

• બાપુનગરમાં સામાન્ય બોલાચાલી બાદ યુવાનની હત્યા
• હત્યાનુ કારણ જૂની અદાવત હોવાનુ સામે આવ્યુ
• પિતા અને પુત્રોએ ભેગા મળી કરી હત્યા 

અમદાવાદના બાપુનગરમાં યુવાનને છરીના ઘા જી કિંમતને ઘાટ ઉતારી દેવામાં આવ્યો હતો. આરોપી જમાલ અહેમદ શેખ, છોટુ જમાલ અને અલતમસ જમાલ નામના પિતા પુત્રએ ઝઘડાની આદાવતમાં બાપુનગરમાં રહેતા મોહમદ શાહિદ ઉર્ફે ટીટોડીને મોતને ઘાટ ઉતારી દીધો હતો. આરોપીઓએ એક સંપ કરી યુવકનું છરી અને લાકડીના ફટકાના ઘા ઝીંકી કાસળ કાઢી નાખ્યું હતું. જેમાં મૃતક શાહિદ ઉર્ફે ટીટોડી અને આરોપીઓ બાપુનગરની મણિલાલ મધુરદાસની ચાલીમાં રહે છે. મૃતક મોહમદ શાહિદએ આરોપી જમાલ એહમદના પુત્ર છોટુ અહેમદને સામાન્ય બોલાચાલી થઈ હતી. જેમાં શાહિદએ છોટુને લાફો માર્યો હતો.જેની અદાવત રાખીને આરોપી પિતા જમાલ અહેમદ અને ત્રણ પુત્રોએ ભેગા મળીને  મોહમદ શાહિદને રોડ પર તેની સાથે ઝઘડો કરી છરીથી હુમલો કરીને હત્યા કરી દીધી હતી.

16 જેટલા ગુના નોંધાયા

આરોપી જમાલ અહેમદ શેખ અને તેના ત્રણ પુત્રો છોટુ જમાલ અને અલ્તમસ જમાલએ તેમજ સગીર દીકરાની પોલીસે ધરપકડ કરી છે..લજેમાં આરોપી અલતમસ વિરુદ્ધ એક ગુનો નોંધાયો છે.. જ્યારે મૃતક શાહિદ હિસ્ટ્રીશીટર છે. તેની વિરુદ્ધ મારામારી, ચોરી નાર્કોટિક્સ સહિત ના 16 જેટલા ગુના નોંધાયા છે. આ કેસના ફરિયાદી પણ ગુનાહિત ઇતિહાસ ઘરાવે છે અને તેની વિરુદ્ધ પણ 9 ગુના નોંધાયા છે. તપાસમાં સામે આવ્યું કે આરોપીઓ બાપુનગર રોડ પર મોહમદ શાહિદની હત્યા કરવા રાહ જોઇને બેઠા હતા.

બાપુનગર પોલીસે તમામ આરોપીની ધરપકડ કરી

 તેવામાં જ મૃતક શાહિદ ઘર પાસેથી પસાર થયો અને આરોપી પિતા-પુત્રોએ બીભત્સ ગાળો બોલી ઝપાઝપી કરવાની શરૂ કરી હતી. જે બાદ આરોપી પિતા જમાલ અહેમદ તેનો પુત્ર છોટુ જમાલ પોતાની પાસેના લાકડાના દંડાથી મોહમદ સાહિદ માથામાં એક એક ફટકો મારી નીચે પાડી દઈ આરોપી અલ્તમસ જમાલ અને સગીર બન્ને જણાએ પેન્ટના ખિસ્સામાંથી છરી કાઢી મોહમદ સાહિદ ઉપરા છાપરી છરીના ધા ઝીકી હત્યા કરી ફરાર થઈ ગયા હતા. બાપુનગર પોલીસે તમામ આરોપીની ધરપકડ કરી વધુ તપાસ શરૂ કરી.