- ગરમીની સિઝનમાં ડિહાઇડ્રેશનથી બચવા માટે તમારે ડાયેટનું ધ્યાન રાખવુ
- કેફીનયુક્ત પીણા ગરમીમાં પીવાના ટાળવા જોઇએ
- ગરમીમાં વધારે પડતા મસાલેદાર ખોરાક ખાવાનુ ટાળવુ
Summer Tips: ઊનાળાની સિઝનમાં ગરમીથી રાહત મેળવવા માટે આપણે અનેક વસ્તુઓનું સેવન કરીએ છીએ જે આપણા શરીરને હાઇડ્રેટ રાખવામાં મદદ કરે, પરંતુ ઘણી વસ્તુ એવી છે જેના સેવનથી આપણા શરીરને હાઇડ્રેટ રહેવા દેતુ નથી. જેના વિશે આપણને ખબર પણ નથી. તેથી ગરમીની સિઝનમાં ડિહાઇડ્રેશનથી બચવા માટે તમારે ખાન-પાન પર ખાસ ધ્યાન આપવુ જોઇએ. આજે તમને એવા પાંચ ખાદ્ય પદાર્થ વિશે જણાવીએ કે જેનુ ગરમીની સિઝનમાં સેવન કરવાનું ટાળવુ જોઇએ.
1. કોફી કે ચાઃ
કોફી કે ચા જેવા કેફીનયુક્ત પીણા પીવાથી શરીરમાંથી વધારે પરસેવો થાય છે, અને જેનાથી શરીર ડિહાઇડ્રેટ થઇ જાય છે. આ ઉપરાંત કેફીન કિડનીમાં બ્લડ પ્રવાહને વધારે છે. જેનાથી વારંવાર પેશાબ આવે છે.
2. મસાલા
ઉનાળામાં શરીરમાં પણ ગરમી વધી જાય છે. તેથી ગરમીમાં વધારે પડતા મસાલેદાર ખોરાક ખાવાનુ ટાળવુ જોઇએ. વધારે પડતુ ચટાકેદાર ભોજન કરવાથી શરીરમાં વધારે પરસેવો થાય છે. તેનાથી લૂ લાગવાનો ભય પણ વધારે રહે છે.
3. મીઠાઇ
ગરમીની સિઝનમાં વધારે માત્રામાં મીઠાઇ ખાવાથી મેટાબોલિઝમ વધી શકે છે, જેનાથી અપચાની સમસ્યા થઇ શકે છે.
4. પ્રોસેસ્ડ ફૂડ
ગરમીમાં પ્રોસેસ્ડ ફૂડ્સના સેવનથી શરીરમાં પાણીની ઉણપ થઇ શકે છે. તેનાથી ડિહાઇડ્રેશનનો ભય વધી જાય છે.
5. ફ્રાઇડ ફૂડ
તળેલા ખોરાકમાં મીઠાની માત્રા વધારે હોય છે, અને તેને પચવામાં પણ મુશ્કિલ હોય છે. તે માટે તમારે ગરમીમાં ફ્રાઇડ ફૂડ્સ એટલે કે તળેલો ખોરાક ખાવાનું ટાળવુ જોઇએ.
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
