આર્થિક / 3 કારણોને લીધે મોંઘવારી કાબૂમાં નથી આવતી, RBI ગર્વનર દાસ 'છૂટી પડ્યાં'

• લીડરશીપ સમિટમાં બોલ્યાં આરબીઆઈ ગર્વનર શક્તિકાંત દાસ  
• દાસે મોંઘવારી માટે 3 કારણો જવાબદાર ગણાવ્યાં
• કોરોના મહામારી, રશિયા-યુક્રેન યુદ્ધ, અને બજારની અનિશ્ચિતતા

 હિન્દુસ્તાન ટાઇમ્સ લીડરશીપ સમિટ 2022માં કેન્દ્રીય રિઝર્વ બેંકના ગવર્નર શક્તિકાંત દાસે મોંઘવારી વધવાના કારણોનો ઉલ્લેખ કર્યો છે. આ સાથે તેમણે રૂપિયા, ડિજિટલ કરન્સી, વિદેશી મુદ્રા ભંડાર સહિત અર્થવ્યવસ્થા સાથે જોડાયેલા મહત્વના મુદ્દાઓ પર વાત કરી હતી.

Both RBI and government are dealing with the challenge of inflation effectively, says Governor Shaktikanta Das

— Press Trust of India (@PTI_News) November 12, 2022

ભારતનું અર્થતંત્ર વૈશ્વિક સ્તર કરતાં ઝડપથી વિકસી રહ્યું છે
શક્તિકાંત દાસે કહ્યું કે, દુનિયાભરની અર્થવ્યવસ્થા તણાવના સમયમાંથી પસાર થઈ રહી છે. તેમણે આ સ્થિતિ માટે મુખ્યત્વે 3 કારણોને જવાબદાર ગણાવ્યા છે. શક્તિકાંત દાસે કહ્યું કે, કોવિડ મહામારી, યુક્રેન-રશિયા યુદ્ધ અને નાણાકીય બજારને કારણે ઊભી થયેલી કટોકટીને કારણે ભારત સહિત દુનિયાની અર્થવ્યવસ્થા તણાવમાં છે. આરબીઆઈ ગવર્નરના જણાવ્યા પ્રમાણે હાલ દેશના જીડીપી ગ્રોથના આંકડા સાચા છે. ભારતનું અર્થતંત્ર વૈશ્વિક સ્તર કરતાં ઝડપથી વિકસી રહ્યું છે. ફુગાવાના આંકડા પણ હવે ધીરે ધીરે કાબૂમાં આવી રહ્યા છે.

No need to shift goal post as far as inflation target of 2-6 pc is concerned, even though there is debate on target shifting: RBI Governor Das

— Press Trust of India (@PTI_News) November 12, 2022

ઓક્ટોબરના ફુગાવાના આંકડા રાહતરૂપ બનશે
તેમણે આશા વ્યક્ત કરી હતી કે સપ્ટેમ્બરની તુલનામાં ઓક્ટોબરના ફુગાવાના આંકડા રાહતરૂપ બનશે. આરબીઆઈ ગવર્નરે જણાવ્યું હતું કે ઓક્ટોબરમાં રિટેલ ફુગાવો 7 ટકાથી નીચે રહેવાની સંભાવના છે. સતત ત્રણ ત્રિમાસિક ગાળા માટે ફુગાવો 6 ટકાથી ઉપર હોય તો તે નાણાકીય નીતિની નિષ્ફળતા છે.

India's overall macroeconomic fundamentals remain resilient amid global turmoil: RBI Governor Das

— Press Trust of India (@PTI_News) November 12, 2022

સમય સાથે સમાયોજિત થવાની જરુર 
આરબીઆઈ ગવર્નરે કહ્યું કે, દુનિયા બદલાઈ રહી છે, બિઝનેસ કરવાની રીત બદલાઈ રહી છે. તમારે સમય સાથે સમાયોજિત થવું પડશે. કાગળની નોટ છાપવામાં, છાપવાનો ખર્ચ, કાગળ ખરીદવા, લોજિસ્ટિક્સ, સ્ટોરેજ વગેરેમાં ખર્ચ વધારે છે. આગળ જતાં ડિજિટલ કરન્સી ઓછી મોંઘી થશે. આ સરહદ પારના વ્યવહારો અને સરહદ પારની ચુકવણી માટે ખૂબ જ મહત્વપૂર્ણ રહેશે.