મેલબોર્ન / ભારત ઓસ્ટ્રેલિયા ટી20 વચ્ચે માઠા સમાચાર, બોલ વાગતાં આ ક્રિકેટરનું મોત, ક્રિકેટ જગતમાં શોક

ભારત અને ઓસ્ટ્રેલિયા વચ્ચે બીજી T20I મેલબોર્નમાં રમાનારી છે, પરંતુ તે પહેલાં, એક ક્રિકેટરના મૃત્યુના દુ:ખદ સમાચાર સામે આવ્યા છે. આ ઘટના મેલબોર્નના પૂર્વીય ઉપનગરોમાં બની હતી, જ્યાં ક્રિકેટર બેન ઓસ્ટિન નેટમાં પ્રેક્ટિસ કરતી વખતે ગંભીર રીતે ઘાયલ થયો હતો. ઓસ્ટિનને ઇજાગ્રસ્ત હાલતમાં હોસ્પિટલમાં લઈ જવામાં આવ્યો હતો, પરંતુ તેનો જીવ બચાવી શકાયો ન હતો.

View this post on Instagram

A post shared by Ferntree Gully Cricket Club (@ftgccblues)

ક્લબે ક્રિકેટરના મૃત્યુની માહિતી આપી

17 વર્ષીય બેન ઓસ્ટિન મેલબોર્નના ઈસ્ટ્સમાં ફર્ન્ટ્રી ગલી ક્રિકેટ ક્લબ માટે રમ્યો હતો. ક્લબે ૩૦ ઓક્ટોબરની સવારે એક નિવેદન બહાર પાડીને યુવા ક્રિકેટરના મૃત્યુની જાહેરાત કરી હતી. ક્લબે જણાવ્યું હતું કે તેઓ ઓસ્ટિનના મૃત્યુથી દુઃખી છે અને સમગ્ર ક્રિકેટ સમુદાય આ ઘટનાથી પ્રભાવિત થયો છે. ક્લબે સોશિયલ મીડિયા પર આ મુશ્કેલ સમયમાં ક્રિકેટરના પરિવાર પ્રત્યે સંવેદના વ્યક્ત કરી હતી.

નેટમાં પ્રેકિટ્સ કરતાં બોલ ગળામાં વાગ્યો

17 વર્ષીય બેન ઓસ્ટિન નેટ્સમાં બોલિંગ મશીન સામે બેટિંગનો અભ્યાસ કરી રહ્યો હતો. યુવા ક્રિકેટરે હેલ્મેટ પહેર્યું હતું. જોકે, બોલ તેના ગળામાં વાગ્યો, જેના કારણે તે ગંભીર રીતે ઘાયલ થયો. એમ્બ્યુલન્સ વિક્ટોરિયાએ જણાવ્યું હતું કે આ ઘટના 28 ઓક્ટોબરના રોજ સાંજે 5 વાગ્યા પહેલા બની હતી, જ્યારે તેમને ફર્ન્ટ્રી ગલી ક્રિકેટ ક્લબ તરફથી ફોન આવ્યો હતો. ક્રિકેટરને એમ્બ્યુલન્સ દ્વારા ગંભીર હાલતમાં નજીકના મોનાશ મેડિકલ સેન્ટરમાં લઈ જવામાં આવ્યો હતો, જ્યાં બાદમાં તેનું મોત નીપજ્યું હતું.

વધુ વાંચો : VIDEO : ઘુવડની કામક્રિડા કેમેરામાં કેદ થઈ, છોકરીએ કેપ્ચર કરી દુર્લભ ક્ષણ, 10 કરોડ લોકોએ જોયો વીડિયો

2014માં ફિલ હ્યુજીસનો કિસ્સો તાજો

ઓસ્ટ્રેલિયન યુવા ક્રિકેટર બેન ઓસ્ટિનનું મૃત્યુ ફિલ હ્યુજીસની ઘટનાના બરાબર એક દાયકા પછી થયું છે. 2014 માં, શેફિલ્ડ શીલ્ડમાં બેટિંગ કરતી વખતે ગરદનમાં વાગવાથી ફિલ હ્યુજીસનું પણ મૃત્યુ થયું હતું. ઈજા પછી તેમને પણ હોસ્પિટલમાં લઈ જવામાં આવ્યા હતા, જ્યાં તેમનું મોત નીપજ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ