ગાંધીનગર / ગુજરાત સરકારે જાહેર કર્યું 14 હજાર કરોડનું રાહત પેકેજ, જાણો કોને શું મળ્યું

તેમણે જણાવ્યું હતું કે, વાર્ષિક પ્રોપર્ટી ટેક્સમાં 20 ટકાની માફી આપવાની જાહેરાત કરી હતી. આ સાથે જ GIDC માટે મોટી જાહેરાત કરતા સરકારે 460 કરોડની ફાળવણી કરી હતી. આ સાથે જ આદિવાસી શ્રમિકોને ઘર બનાવવા માટે 35 હજાર રૂપિયાની સબસીડી આપવામાં આવશે તો દ્યોગોને નાણાંભીડ ન રહે તે માટે GST રિફંડ તાત્કાલિક ચૂકવવામાં આવશે. તો ખાનગી લક્ઝરી બસ, ટેક્સી અને કૅબનો 6 મહિનાનો રોડ ટૅક્સ માફ કરવાની પણ જાહેરાત મુખ્યમંત્રી વિજય રૂપાણીએ કરી હતી. વધુ વિગત નીચે પ્રમાણે છે. 

આ અગાઉ આત્મનિર્ભર યોજના હેઠલ 1 લાખ લોનની પણ કરી હતી જાહેરાત

ગુજરાત સરકારે 'આત્મનિર્ભર ગુજરાત' યોજનાની જાહેરાત કરી હતી. રાજ્યના 10 લાખથી વધુ લોકોને આ યોજનાનો લાભ મળશે. 1 લાખ રૂપિયા સુધી લોન કારીગરો, વેપારીને મળશે.  આ લોનનું વ્યાજ 12 ટકાને બદલે માત્ર 2 ટકા  જ વસૂલવામાં આવશે. અરજીને આધારે કોઈપણ ગેરન્ટી વગર રૂા. 1 લાખ સુધીની લોન મળશે તેવી જાહેરાત થઈ હતી. 

પહેલા જાહેર કર્યું હતું 650 કરોડનું રાહત પેકેજ

ગુજરાતમાં કોરોનાના ફફડાટ વચ્ચે સીએમ રૂપાણીએ 65 લાખ જેટલા ગરીબ શ્રમજીવી અસંગઠીત કામદારો, બાંધકામ કામદારો માટે 650 કરોડ રૂપિયાનું પેકેજ જાહેર કર્યુ હતું. રૂપાણીએ આ અંગેની જાહેરાત કરતા કહ્યુ હતું કે, સરકારે કોરોનાની સ્થિતિમાં આર્થિક રીતે સહાયરૂપ થવાના હેતુસર 65 લાખ પરિવારોના બેન્ક ખાતામાં 1 હજાર રૂપિયાની સહાય જમા કરાવાશે. તદઉપરાંત પશુઓને પણ પૂરતો ઘાસચારો મળતો રહે અને હાલમાં જ્યારે લોકડાઉનને કારણે વેપાર ધંધા બંધ છે, ત્યારે રાજ્યમાં ચાલતી તમામ રજીસ્ટાર્ડ ગૌશાળા અને પાંજરાપોળને આર્થિક સંકટ ન થાય તે માટે પશુ દીઠ 25 રૂપિયા એપ્રિલ મહિના દરમિયાન રૂપાણી સરકાર તરફથી આપવામાં આવશે. આ માટે ૩૦થી ૩૫ કરોડ રૂપિયાનું પેકેજ જાહેર કરવામાં આવ્યું હતું.