અમદાવાદ / શું વાત છે! માત્ર 90 દિવસમાં ભારતીય સેનાએ કર્યું એવું કામ કે જાણીને ગર્વ થશે, જુઓ PHOTOS

• ભારતીય સેનાએ માત્ર 90 દિવસમાં બનાવ્યું 3D પ્રિન્ટેડ મકાન
• ભારતીય સૈનિકો માટે આ પ્રથમ 3D પ્રિન્ટેડ આવાસ બન્યું અમદાવાદમાં 
• અમદાવાદ કેન્ટમાં બનેલા આ નિવાસનું ઉદ્ઘાટન કરવામાં આવ્યું

ભારતીય સેનાએ અમદાવાદમાં માત્ર 90 દિવસમાં એવું કામ કર્યું કે તમને જાણીને ગર્વ થશે. વાત જાણે એમ છે કે, ભારતીય સેનાએ તેના સૈનિકો માટે પ્રથમ 3-ડી પ્રિન્ટેડ હાઉસિંગ બનાવ્યું છે. અમદાવાદ કેન્ટમાં બનેલા આ નિવાસનું બુધવારે ઉદ્ઘાટન કરવામાં આવ્યું હતું. જમીન અને એક માળનું આ 3D પ્રિન્ટેડ ઘર આપત્તિ-પ્રતિરોધક અને ઝોન-3 ભૂકંપ વિસ્તારોના નિયમો અને ગ્રીન બિલ્ડિંગ ધોરણોનું પાલન કરે છે. ભારતીય સૈનિકો માટે આ પ્રથમ 3D પ્રિન્ટેડ આવાસ છે.

શું કહ્યું ભારતીય સેનાએ ? 

સેનાએ ગુરુવારે કહ્યું કે આ ટેકનિકમાં 3ડી પ્રિન્ટરનો ઉપયોગ કરવામાં આવ્યો છે. તે કોમ્પ્યુટરાઈઝ્ડ ત્રિ-પરિમાણીય ડિઝાઇન પર આધારિત છે. આમાં ખાસ તૈયાર કરેલી ડિઝાઇન મુજબ ખાસ પ્રકારના કોંક્રિટમાંથી લેયર-બાય-લેયર ધોરણે 3D સ્ટ્રક્ચર તૈયાર કરવામાં આવે છે.

Indian Army inaugurated its first 3-D Printed House Dwelling Unit (with Ground plus One configuration) for soldiers at Ahmedabad Cantt on 28th December. pic.twitter.com/r0QfyOTRCu

— ANI (@ANI) December 29, 2022

3D ઝડપી બાંધકામ ટેકનોલોજીનો ઉપયોગ

આ અનોખું ઘર અથવા રહેઠાણ મિલિટરી એન્જિનિયરિંગ સર્વિસ ( MES ) દ્વારા બનાવવામાં આવ્યું છે. આ ઘર એક માળનું છે. ભારતીય સેનાના અધિકારીઓએ જણાવ્યું હતું કે, તેનું નિર્માણ MICOB પ્રાઈવેટ લિમિટેડના સહયોગથી કરવામાં આવ્યું છે. તે નવીનતમ 3D ઝડપી બાંધકામ તકનીકનો ઉપયોગ કરે છે.  3D પ્રિન્ટેડ હાઉસિંગ સૈન્ય કર્મચારીઓ માટે આવાસની વધતી જતી માંગને ઝડપથી પૂરી કરશે. તે આધુનિક સમયમાં ઝડપી બાંધકામનું પ્રતીક છે. આ બાંધકામ 'આત્મનિર્ભર ભારત અભિયાન'ને પણ વેગ આપશે અને અભિયાન પ્રત્યે સેનાની પ્રતિબદ્ધતાનો પુરાવો પણ છે.

भारतीय सेना ने अहमदाबाद में पहली दो मंजिला 3-डी प्रिंटेड आवासीय इकाई का उद्घाटन किया।

यह संरचना 'आत्मनिर्भर भारत अभियान' को बढ़ावा देने में भारतीय सेना की प्रतिबद्धता का भी प्रमाण है।@DefenceMinIndia pic.twitter.com/ezdIIWQ6RR

— प्रसार भारती न्यूज सर्विसेज एवं डिजिटल प्लेटफॉर्म (@PBNS_Hindi) December 29, 2022

માત્ર 12 અઠવાડિયામાં બાંધકામ પૂર્ણ 

સેનાના જણાવ્યા અનુસાર 71 સ્ક્વેર મીટર એટલે કે લગભગ 765 સ્ક્વેર ફીટમાં આ ઘરનું નિર્માણ માત્ર 12 અઠવાડિયામાં પૂર્ણ થયું હતું. તેમાં એક ગેરેજ પણ બનાવવામાં આવ્યું છે. તેના બાંધકામમાં 3D પ્રિન્ટેડ ફાઉન્ડેશન, દિવાલ અને સ્લેબનો ઉપયોગ કરવામાં આવ્યો હતો. અમદાવાદ સ્થિત આર્મીના ગોલ્ડન કટાર વિભાગે તેનું બાંધકામ શરૂ કર્યું. આવા અનેક મકાનો બનાવવામાં આવશે.