WPL 2026 Schedule / ક્યારથી શરૂ થશે મહિલા પ્રીમિયર લીગ? જુઓ ભારતમાં ક્યાં અને કેવી રીતે જોઇ શકશો Live સ્ટ્રીમિંગ

મહિલા ક્રિકેટરના ફેન્સ માટે ગૂડ ન્યૂઝ છે. મહિલા પ્રીમિયર લીગ 2026ની રાહ જોઈ રહેલા લોકો માટે આ સમાચાર છે.ટૂર્નામેન્ટની ચોથી સિઝન 9મી જાન્યુઆરીથી શરૂ થઈ રહી છે અને આ વખે પણ રોમાંચ મોટી મેચ અને સ્ટાર ખેલાડીઓની ટક્કર જોવા મળસે. જો તમે પણ WPL 2026ની માહિતી મેળવવા માંગતા હોવ તો આ તમારા માટે જ છે.

WPL 2026 ક્યારે શરૂ થશે?

મહિલા પ્રીમિયર લીગ 2026 9 જાન્યુઆરીએ શરૂ થવાની છે. પહેલી મેચ નવી મુંબઈમાં રમાશે. ડિફેન્ડિંગ ચેમ્પિયન અને મજબૂત ટીમ મુંબઈ ઇન્ડિયન્સ ઓપનિંગ મેચમાં રોયલ ચેલેન્જર્સ બેંગ્લોરનો સામનો કરશે. બંને ટીમો વચ્ચેની મેચ હંમેશા સમાચારમાં રહે છે જેના કારણે પહેલી મેચ ખૂબ જ ખાસ માનવામાં આવે છે.

મહિલા પ્રીમિયર લીગની ત્રણ સીઝન અત્યાર સુધી રમાઈ છે. મુંબઈ ઇન્ડિયન્સે બે વાર ટાઇટલ જીત્યું છે, જ્યારે રોયલ ચેલેન્જર્સ બેંગ્લોરે એક વાર જીત મેળવી છે. દિલ્હી કેપિટલ્સ પણ દરેક સીઝનમાં શાનદાર પરફોર્મસ કરી ચુરી છે અને સતત ત્રણ વખત ફાઇનલમાં પહોંચ્યું છે જોકે તેઓ હજુ સુધી ટ્રોફી જીતી શક્યા નથી.

લાઇવ મેચ ક્યાં જોઈ શકશો

ચાહકો WPL 2026 ની બધી મેચો તેમના ઘરના આરામથી સરળતાથી જોઈ શકે છે. ટુર્નામેન્ટનું સ્ટાર સ્પોર્ટ્સ નેટવર્ક પર ટીવી પર લાઇવ પ્રસારણ કરવામાં આવશે. મોબાઇલ અને ઓનલાઈન દર્શકો માટે, બધી મેચોનું લાઇવ સ્ટ્રીમિંગ JioHotstar એપ અને તેની વેબસાઇટ પર ઉપલબ્ધ રહેશે.

આ પણ વાંચોઃ IPLમાંથી બહાર થનાર મુસ્તફિજુર રહેમાનની નેટવર્થ જાણીને તમે પણ ચોંકશો

કેટલી ટીમો ભાગ લેશે?

મહિલા પ્રીમિયર લીગ 2026 માં કુલ પાંચ ટીમો ભાગ લઈ રહી છે, જેમાં શામેલ છે

• મુંબઈ ઇન્ડિયન્સ
• દિલ્હી કેપિટલ્સ
• રોયલ ચેલેન્જર્સ બેંગ્લોર
• ગુજરાત જાયન્ટ્સ
• યુપી વોરિયર્સ

આ સિઝનમાં કુલ 22 મેચ રમાશે, જેનાથી ચાહકોને ભરપૂર ઉત્સાહ મળશે.

મેચનો સમય અને ફાઇનલ તારીખ

ટુર્નામેન્ટમાં બે પ્રકારની મેચો હશે. બપોરના મેચો બપોરે 3 વાગ્યે શરૂ થશે, જ્યારે સાંજના મેચો સાંજે 7:30 વાગ્યે રમાશે. એલિમિનેટર અને ફાઇનલ માટે વડોદરાની પસંદગી કરવામાં આવી છે. WPL 2026 ફાઇનલ 5 ફેબ્રુઆરીએ રમવાની છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ