WPL 2024 auction / વિમેન્સ પ્રીમિયર લીગની હરાજીમાં બન્યો નવો રેકોર્ડ, ગુજરાત જાયન્ટ્સે અનકેપ્ડ પ્લેયર કાશવી ગૌતમ પર લગાવ્યો કરોડો રૂપિયાનો દાવ

• વિમેન્સ પ્રીમિયર લીગની આ વખતની હરાજીમાં એક નવો રેકોર્ડ બન્યો
• ટૂંકા ઈતિહાસમાં સૌથી મોંઘી અનકેપ્ડ ખેલાડી બની કાશવી ગૌતમ
• કાશવીએ હજુ સુધી આંતરરાષ્ટ્રીય ક્રિકેટમાં ડેબ્યુ કર્યું નથી

વિમેન્સ પ્રીમિયર લીગની આ વખતની હરાજીમાં એક નવો રેકોર્ડ બન્યો છે. અહીં આ લીગના ટૂંકા ઈતિહાસમાં સૌથી મોંઘી અનકેપ્ડ ખેલાડી સામે આવી છે. આ ખેલાડીનું નામ કાશવી ગૌતમ છે. કાશવીએ હજુ સુધી આંતરરાષ્ટ્રીય ક્રિકેટમાં ડેબ્યુ કર્યું નથી. આમ છતાં તેને હરાજીમાં 2 કરોડ રૂપિયા મળ્યા. ગુજરાત જાયન્ટ્સે તેને પોતાની ટીમનો ભાગ બનાવ્યો છે. કાશવીએ આ જ હરાજીમાં થોડા સમય પહેલા વૃંદા દિનેશ દ્વારા બનાવેલ સૌથી મોંઘી અનકેપ્ડ પ્લેયરનો રેકોર્ડ તોડ્યો હતો. વૃંદાએ પણ હજુ સુધી આંતરરાષ્ટ્રીય ક્રિકેટમાં પ્રવેશ કર્યો નથી પરંતુ યુપી વોરિયર્સે તેને રૂ. 1.30 કરોડની મોટી રકમ સાથે પોતાની ટીમમાં સામેલ કરી છે. હરાજી પહેલા જ આ બંને ખેલાડીઓને ઉંચી કિંમતે વેચવામાં આવે તેવી શક્યતા વ્યક્ત કરવામાં આવી રહી હતી.

A bid to remember!

Gujarat Giants win the bidding war to get Kashvee Gautam for INR 2 Cr 🔥🔥#TATAWPLAuction | @TataCompanies pic.twitter.com/JUlusSI9M8

— Women's Premier League (WPL) (@wplt20) December 9, 2023

અંડર-19માં કર્યું હતું શાનદાર પ્રદર્શન

આ 20 વર્ષની બોલરે વર્ષ 2020માં પોતાનું નામ હેડલાઈન્સમાં લાવ્યું. ડોમેસ્ટિક ક્રિકેટમાં તેણે અંડર-19 મહિલા ODI ટૂર્નામેન્ટની મેચમાં હેટ્રિક સાથે તમામ 10 વિકેટો લીધી હતી. તેણે સિનિયર મહિલા T20 ટ્રોફીમાં 7 મેચમાં 12 વિકેટ પણ લીધી હતી. તેણે ઇન્ડિયા-એ માટે રમતી વખતે પણ સારું પ્રદર્શન કર્યું હતું. આ બોલરે ઈંગ્લેન્ડ-A સામેની બે T20 મેચમાં ત્રણ વિકેટ ઝડપી હતી.

Relive that bidding war here 🎥https://t.co/HefxBqTzv7 pic.twitter.com/I5GKf31SrJ

— Women's Premier League (WPL) (@wplt20) December 9, 2023

વૃંદા દિનેશ બીજા નંબરની સૌથી મોંઘી અનકેપ્ડ ખેલાડી છે

22 વર્ષની વૃંદા ટોપ ઓર્ડર બેટ્સમેન છે. તાજેતરમાં જ તેને ઈન્ડિયા-એ ટીમમાં સ્થાન મળ્યું છે. તેણે ઑફ-સિઝનમાં પાંચેય ફ્રેન્ચાઇઝીઓને ટ્રાયલ આપી. વૃંદા આ વર્ષની શરૂઆતમાં વરિષ્ઠ મહિલા ODI સ્પર્ધામાં ત્રીજા સૌથી વધુ રન બનાવનાર ખેલાડી હતી. યુપી વોરિયર્સે તેને 1.30 કરોડ રૂપિયામાં ખરીદ્યો છે.