ગૂડ ન્યૂઝ / મોંઘવારીથી પીસાતા લોકો માટે રાહત, હવે આ ચીજવસ્તુઓના ભાવ ઘટશે, WPIમાં થયો 0.40 ટકાનો ઘટાડો

• મોંઘવારીના મોરચને સામાન્ય લોકોને મોટી રાહત
• જાન્યુઆરીમાં જથ્થાબંધ મોંઘવારીમાં 0.40 ટકાનો ઘટાડો
• ડિસેમ્બર 2021માં જથ્થાબંધ મોંઘવારી 13.56 ટકા હતી
• જાન્યુઆરી 2022માં ઘટીને 12.96 ટકા થઈ 

સતત વધી રહેલી મોંઘવારીના મોરચને લોકોને રાહત મળી છે. જથ્થાબંધ મૂલ્ય સૂચકાંક (WPI)આધારિત મોંઘવારી આ વર્ષે જાન્યુઆરીમાં ઘટીને 12.96 ટકા પર આવી ગઈ છે. સરકાર દ્વારા જાહેર કરવામાં આવેલા આંકડા અનુસાર ખાવા-પીવાની વસ્તુઓની કિંમત વધવા છતાં પણ જથ્થબંધ મોંઘવારીમાં ઘટાડો આવ્યો છે.

Wholesale inflation fell to 12.96% (Provisional) in January 2022 from 14.87% in November 2021 and 13.56% in December 2021 pic.twitter.com/xzklKv6BT7

— ANI (@ANI) February 14, 2022

ડિસેમ્બર 2021માં જથ્થાબંધ મોંઘવારી 13.56 ટકા હતી

જાહેર થયેલા આંકડા અનુસાર ડિસેમ્બર 2021માં જથ્થાબંધ મોંઘવારી 13.56 ટકા હતી જે ગત વર્ષના જાન્યુઆરીમાં WPI આધારિત મોંઘવારી 2.51 ટકા રહી હતી. આ રાહત છતાં પણ જથ્થાબંધ મોંઘવારી એપ્રિલ 2021થી સતત 10મા મહિના સુધી 10 ટકાની ઉપર હતી. 

શાકભાજી મોંઘી પણ ડૂંગળી-બટાકા સસ્તા
સરકારી આંકડામાં જણાવ્યા પ્રમાણે જાન્યુઆરી 2022માં ખાદ્ય વસ્તુઓનો મોંઘવારી દર વધીને 10.33 ટકા પર પહોંચ્યો છે. ડિસેમ્બર 2021માં આ દર 9.56 ટકા હતો. ઈંડા, માંસ, માછલીની મોંઘવારી જાન્યુઆરીમાં 9.85 ટકા હતી જોકે બટાકાના ભાવ 14.45 ટકા અને ડૂંગળીના ભાવ 15.98 ટકા ઓછા થયા છે. વિનિર્મિત વસ્તુઓની મોંઘવારી જાન્યુઆરીમાં ઘટીને 9.42 ટકા પર આવી ગઈ છે. ડિસેમ્બર 2021માં આ 10.62 ટકા હતી. 

શું છે જથ્થાબંધ મોંઘવારી ઘટવાનો અર્થ
તાજેતરમાં જે મોંઘવારી જોવા મળી રહી છે તેની પાછળનું કારણ ખાદ્ય વસ્તુઓના ભાવ વધવા છે. જથ્થાબંધ મોંઘવારી જથ્થાબંદ સામાનની વધેલી કિંમતો દર્શાવે છે. જથ્થાબંધ ખરીદવામાં આવતા સામાનમાં જ્યારે મોંઘવારી આવે છે ત્યારે આ સ્થિતિ સર્જાય છે. હવે જ્યારે હોલસેલ ભાવમાં ઘટાડો આવ્યો છે ત્યારે છૂટક ચીજોના ભાવમાં પણ ઘટાડો આવશે.

આ વસ્તુઓના ભાવ ઘટશે
જથ્થાબંધ મોંઘવારી રેટમાં 0.40 ટકાનો ઘટાડો આવ્યો હોવાથી હવે આગામી સમયમાં છૂટક ચીજવસ્તુઓના ભાવ પણ ઘટશે. ખાદ્ય પદાર્થો, શાકભાજી, ઘરવપરાશની ચીજવસ્તુઓ, ઈંડા, માંસ, ડેરી પ્રોડડ્ક્સ સહિતની ચીજવસ્તુઓના ભાવ ઘટી જશે.